Р.Колесов архыыба
Эбээн Бытантай улууһун Кустуур сэл. биооттугунан үлэлиир саҥа хочуолунай үөрүүлээх аһыллыыта буолла. Бу нэһилиэги сылааһынан хааччыйар хочуолунай Саха Өрөспүүбүлүкэтин Ил Дарханын Айсен Николаев, СӨ Бырабыыталыстыбатын өйөбүллэринэн тутуллан үлэҕэ киирдэ.
Бу тыын суолталаах эбийиэк туһунан “СӨ ОДьКХ” ГУП генеральнай дириэктэрэ Виталий Чикачев санаатын бу курдук үллэһиннэ:
— Сылааһынан хааччыйар 3 МВт кыамталаах саҥа эбийиэги “РемСтройПроект” ХЭТ тутан киллэрдэ. Бу оттук дьон олоҕор уонна тулалыыр эйгэҕэ буортута суох, мас көөбүлүн туһаналлар. Бытарытар (дробильнай) сыахтааҕа олус үчүгэй. Энергияны кэмчилиир инженернэй ситимнэрэ сылааһынан хааччыйыыны бигэ туруктаах оҥороллор.
Эбээн Бытантай улууһугар бу мас көөбүлүнэн үлэлиир иккис хочуолунай буолар. Бастакы Дьарҕаалаахха 2019 с. тутуллубута.
Саҥа хочуолунайтан социальнай эбийиэктэр сылааһынан хайы-үйэ хааччылыннылар. Ол курдук, “Кэнчээри” уһуйаан икки дьиэтэ, “Маранга”этнокултуура киинэ. Ону тэҥэ 190 тахса киһи олорор 66 дьиэтэ холбонно. Өссө 37 дьиэни холбуур кыах баар. Быйылгы кыстык этэҥҥэ ааһарын туһугар 5000 кубометр мас бэлэмнэннэ. Онон быйыл кустуурдар сылаастык кыстыахтара диэн эрэнэбин. Бу дьоһун тутууга үлэлээбит, көмөлөспүт дьоҥҥо махтанабын.
Хаартыска: “Хочуолунай маннык тутуллан тахсыбыта”. Колесов Р. архыыбыттан
“Восточно-Сибирская хорда” диэн ааттаах “Таксимо-Мииринэй” тырааныспар көрүдүөрүн тэрийэр туһунан Саха сирин Ил Дархана Айсен Николаев…
Сэтинньи 18 күнүгэр Дьокуускайга Кузьмин уул. олорор дьахтар полицияҕа оскуола үөрэнээччитин эр киһи халаабытын туһунан…
Украинаҕа Зеленскэй чугас дьоно хоруупсуйаҕа буруйданаллар. Бэйэтэ да хаарыллыан сөп. Америкалар, Европалар бу дьыаланы сөбүлээбэтэх…
Дмитрий Ходулов аатынан Майатааҕы норуот тыйаатырыттан үтүө сонуну иһиттибит. Ол курдук, бу тыйаатыр биир дойдулаахтара…
Билим ханна тиийбэтэҕэй! Учуонайдар киһи тииһин үүннэрэн таһаарбыттарын туһунан сонун иһиллибиттээх. Бастаан киһи уонна сибиинньэ…
"Аҕа дойдуну көмүскээччилэр" байыаннай дьайыы кыттыылаахтарын өйүүр пуонда Саха сиринээҕи салаата 23 тыһ. ыйытыыга хоруйдаабыт.…