Куттала суох хаачыстыбалаах суоллар туһунан кэпсэтии буолуоҕа

СӨ тырааныспар уонна суол Хаһаайыстыбатын миниистирин бастакы солбуйааччы Анатолий Потапов бүгүн, ахсынньы 12 күнүгэр, социальнай ситимнэргэ быһа эпииргэ тахсыаҕа.

Салайааччыны кытта куйаар ситиминэн өрөспүүбүлүкэ баһылыгын уонна бырабыыталыстыбатын дьаһалтатын официальнай ситимнэригэр, ВКонтакте уонна Одноклассники ханаалларга кэпсэтиэххэ сөп. Быһа эпиир 17.00 чаастан саҕаланар.

Анатолий Потапов «Куттала суох хаачыстыбалаах суоллар» национальнай бырайыагы олоххо киллэрии барыллаан түмүктэрин уонна РФ саҥа национальнай бырайыактарыгар 2025 сылга былааннарын туһунан кэпсиэҕэ.

Социальнай ситимнэргэ маннык сигэнэн киириэххэ сөп: ВКонтакте — https://vk.com/sakhagov?w=wall-187580720_60555; Одноклассники — https://ok.ru/sakhagov/topic/158028392050096.