Куттала суох счет диэн суох!

ИДЬМ түөкүттэр угаайыларыттан сэрэниҥ диэн өрүү сэрэтэр. Түөкүттэр таксыы өҥөтүн, атыы-эргиэн сайтарын нөҥүө, ону сэргэ баан, полиция үлэһиттэрин ааттарыттан эрийэн дьону итэҕэтэллэр, харчыларын суйдууллар.

Кинилэр дьоҥҥо төлөпүөн нөҥүө итэҕэлгэ киирэллэр. Дьон уурумньу харчытын суйдуур эбэтэр саҥаттан кирэдьиит оҥотторон ылар албастара — эн харчыгын куттала суох счекка угуоххун наада диэн этэллэр. Соторутааҕыта Дьокуускай куорат 59 саастаах олохтооҕо  полиция салаатыгар үҥсүү түһэрбит. Кини түөкүттэргэ албыннаппытын туһунан иһитиннэрбит. Дьахтарга билбэт нүөмэриттэн эрийэн баан куттала суох буолуу сулууспатын үлэһитин аатыттан эрийбиттэр уонна куттала суох счет туһунан кэпсээннэр, дьахтар аатыгар 350 тыһыынча солкуобай кирэдьиит оҥотторбуттар. Ханнык да баан, полиция үлэһитэбин диэн төлөпүөннээтэҕинэ, итэҕэйимэҥ. Ханнык да билбэт ссыылкаҕытын батыһан баттаамаҥ! Билбэт нүөмэргититтэн эрийдэхтэринэ, тута арааран кэбиһэр буолуҥ.

Түөкүттэр төлөпүөн нөҥүө албыннаан саҕалыылларыгар, бастаан «эн харчы сүүйдүҥ» эбэтэр харчыны элбэтэр албастарынан албынныыллара. Күннэтэ саҥаттан-саҥа албастары толкуйдууллар. Онон сэрэхтээх уонна болҕомтолоох буолуҥ диэн ИДьМ үлэһиттэрэ сэрэтэллэр.