Хаартыска: Ил Дархан, бырабыыталыстыба дьаһалтатын пресс-сулууспата.
2022 сылга өрөспүүбүлүкэҕэ 10 оҕо түннүктэн түһэн, араас таһымнаах эчэйиини ылбыта, биир оҕо өлбүтэ. Арассыыйаҕа сыллата тыһыынчаттан тахса оҕо түннүктэн түһэн, үгүстэр үйэлэрин тухары инбэлиит буолаллар.
СӨ оҕо быраабыгар боломуочунайа Туйаара Васильева “Куттала суох түннүктэр” диэн өрөспүүбүлүкэтээҕи аахсыйа саҕаламмытын туһунан иһитиннэрдэ.
Бу аахсыйа төрөппүттэри сэрэтэр сыаллаах. Аһаҕас түннүк кыра оҕоҕо олус кутталлаах. Ол иһин дьиэҕэ кыра оҕо баар буоллаҕына, түннүгү аһаҕас хаалларыллыа суохтаах. Оҕо кылгас да түгэҥҥэ онно-манна ыттыан, салҕанан тахсыан сөп, кини куттанар, сэрэнэр диэни билбэт.
Түннүккэ бырдаҕы утары сиэккэни ыйаан баран, аһаҕас хаалларыллыбат – сиэккэ оҕо ыйааһынын уйбакка, тэҥҥэ түһэллэр.
Түннүк таһыгар турар ороҥҥо ыстаҥалыылларын бобор буолуҥ. Түннүк хайдах аһылларын оҕоҕо көрдөрүмэҥ. Балкоҥҥа улахан киһитэ суох тахсарын бопсуҥ. Кыра оҕолору дьиэҕэ көрүүтэ-истиитэ суох кылгас да кэмҥэ хаалларымаҥ. Оҕолор соҕотох хаалан баран, төрөппүттэрин көрөөрү, түннүгүнэн, балконунан өҥөйүөхтэрин сөп.
Улаатан эрэр оҕолорго куттала суох буолууну кэпсиэххэ, сэрэтэр үлэни ыытыахха наада.
Түннүктэргэ блокиратордары, оҕолор кыайан арыйбат күлүүстэрин туруоруохха наада. Ол кыаллыбат буоллаҕына, түннүк тутааҕын ылан кэбиһэр ордук.
“Куттала суох түннүктэр” аахсыйа атырдьах ыйын 31 күнүгэр диэри ыытыллыаҕа.
Ил Дархан, бырабыыталыстыба дьаһалтатын пресс-сулууспата.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…