Хаартыска: sakha.gov.ru
Саха сириттэн байыаннай дьайыы бэтэрээннэрэ Уһук Илиҥҥэ Аҕа дойдуну көмүскээччилэр куубактарыгар ситиһиилээхтик кытыннылар, диэн СӨ “Аҕа дойдуну көмүскээччилэр” судаарыстыбаннай пуондаттан иһитиннэрдилэр.
“Бу успуорт түгэнэ эрэ буолбакка, Аҕа дойдуга сулууспалааһын үгэһин бөҕөргөтүүгэ дьоһун хардыы. Адаптивнай успуорду сайыннарыы – тутаах соруктартан биирдэстэрэ, хас биирдии киһиэхэ күүһү-кыаҕы эбэр”, — диэтэ РФ оборуонаҕа миниистирин солбуйааччы, “Защитники Отечества” пуонда бэрэссэдээтэлэ Анна Цивилева.
Төһө да халлаан тымныы соҕуһун иһин, ох саанан ытыыга уонна быһаҕы спортивнай быраҕыыга Саха сирин спортсменнара үрдүк маастарыстыбаларын көрдөрдүлэр.
Ох саанан ытыыга хамаанда хапытаана Игорь Марсунов “үрүҥ көмүһү” ылла.
Олорон эрэ волейболга Саха сирин хамаандата үһүс миэстэҕэ тигистэ. Остуол тенниһыгар Егор Котельников уонна Захар Слепцов “үрүҥ көмүһү” аҕыллылар. Быһаҕы быраҕыыга байыаннай дьайыы бэтэрээнэ Аркадий Дьяконов эмиэ бу мэтээлгэ тигистэ.
Куубакка Уһук Илин ФУо 11 субъега барыта кытынна. Кинилэр олорон эрэ волейболга, буулдьанан, ох саанан ытыыга, остуол тенниһыгар, пауэрлифтиҥҥэ, быһаҕы быраҕыыга күрэхтэстилэр.
Турнир тэрийээччилэрэ – РФ Бэрэсидьиэнин Владимир Путин Ыйааҕынан тэриллибит “Защитники отечества” судаарыстыбаннай пуонда, Арассыыйа Паралимпийскай кэмитиэтэ, Сахалин уобалаһын бырабыыталыстыбата.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …
Аллайыаха улууһун кииниттэн, Чокуурдаахтан 141 килэмиэтир тэйиччи сытар кыракый Оленегорскай нэһилиэгин олохтоохторо байыаннай дьайыыга анаан…
Саха Өрөспүүбүлүкэтин судаарыстыбаннай былааһын толорор уорганнарын 2025 сыллааҕы үлэлэрин түмүгүн туһунан ОТЧУОТ Аан тыл…
Москва мээрэ Сергей Семенович Собянины кытта көрсүбүтүн туһунан Ил Дархан Айсен Николаев МАХ ханаалыгар суруйда.…
Усуйаана улууһун Усуйаана нэһилиэгэр ааспыт нэдиэлэ бүтүүтэ “Тоҥ балык” күрэх буолан ааста. Хоту дьон мааны…
Бүгүн, олунньу 4 күнүгэр, 11:42 чааска баһаарынай-быыһыыр сулууспаҕа Дьокуускай куоракка, Бүлүүлүүр суол 6 км. баар…