Хаартыска ИДьМ пресс-сулууспатыттан
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр үлэлэрин кэмигэр Свердлов уулуссатын дьиэтин подъеһыттан Томскай уобалаһын 39 саастаах олохтооҕун туттулар диэн ИДьМ пресс-сулууспата иһитиннэрэр.
Оперативниктар кинини бэрэбиэркэлииллэригэр 127 сууламмыт, сырдык өҥнөөх бороһуогу булбуттар. Онтон кэлин полициялар кини куортамнаабыт кыбартыыратыгар дьэҥдьиир оҥороннор, халадьыынньыктан ыйааһыннаах бакыаты уонна 200-тэн тахса бороһуокка майгынныыр сууламмыт бакыаттары буллулар. Ону таһынан, полиция үлэһиттэрэ тутуллубут киһи төлөпүөнүн хаартыскаларын көрөннөр, киин куоракка 8 сиргэ наркотигы кистээбитин быһаардылар.
Ыытыллыбыт эспэртиисэ түмүгүнэн, барыта 2 киилэттэн тахса ыйааһыннаах мефедрон буолара быһаарылынна.
Доппуруос кэмигэр тутуллубут киһи наркотигынан эргиниини хааччыйар тэриллиилээх бөлөххө киирсэрин билиммит. Кини анонимнай куратор ыйыытынан Новосибирскайга кууһунан «синтетиканы» ылбыт, ол кэннэ куортамнаабыт массыынатынан онтун Дьокуускайга аҕалан, атыылааһыҥҥа анаан кыра дозаларга араарбыт. Ол эрээри наркотик улахан аҥарын ситэ атыылаабатах.
Полиция силиэдэбэтэлэ уорбаланааччыга РФ Холуобунай кодексатын 3 чааһын 30 ыстатыйатынан, 5 чааһын 228.1 ыстатыйатынан холуобунай дьыаланы тэрийбит. Силиэстийэ кэмигэр кини көҥүлүн быспыттар. Оперативниктар тутуллубут киһини кытары кыттыгас эргиммит дьону быһаарарга үлэни салгыыллар.
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…