Хаартыска: СӨ Үлэҕэ министиэристибэтин пресс-сулууспата
2022 сылтан Дьокуускайга “Школа родственного ухода” үлэлиир. Бу оскуолаҕа бэйэлэрэ кыайан хамсаммат эбэтэр олох сытар дьону көрүү-истии быраабылаларыгар уонна ньымаларыгар кинилэр аймахтарын уонна социальнай үлэһиттэри үөрэтэллэр.
2022 сыллаахха “Оскуолаҕа” 343 киһи үөрэннэ. Кинилэртэн 57 – социальнай үлэһит, 286 – аймахтар.
«Билигин маннык көмөнү Дьокуускайга социальнай хааччыйыы өрөспүүбүлүкэтээҕи биир кэлим киинэ ыытар. Интэриэһиргиир дьон Федор Попов аатынан уулусса 14/6 нүөмэрдээх дьиэтин 1 этээһигэр кэлэн билсиэхтэрин сөп. Манна суһал социальнай хааччыйыы отделениета уонна социальнай көмүскэл управлениета бааллар”, — диэн СӨ Үлэҕэ уонна социальнай сайдыыга миниистирэ Елена Волкова иһитиннэрдэ.
Ону тэҥэ 7 (4112) 40-20-65 нүөмэринэн билсиэххэ сөп.
“Оскуола” дьарыктара анал тэриллэрдээх хоско ыытыллаллар, ону таһынан дьиэҕэ баран үөрэтии эбэтэр ыраахтан үөрэнии эмиэ кыаллар. Биирдиилээн эбэтэр бөлөҕүнэн үөрэниэххэ сөп. “Оскуолаҕа” 4 исписэлиис: психолог, патронаж отделениетын 2 мэдиссиинискэй сиэстэрэтэ, социальнай үлэ исписэлииһэ үлэлииллэр.
Ону таһынан, саҥа хайысха – үөрэтэр видео-уруоктар киллэриллэллэр. Билигин 15 үөрэтэр видео-уруогу тэрилтэ официальнай сайтыгар уктулар. Видео-уруок олус наадалааҕын уонна туһалааҕын көрдөрдө.
Арассыыйа Юстицияҕа министиэристибэтэ суут үлэтигэр сыһыаннаах саҥа бырайыагы бэлэмнээтэ диэн Ил Түмэн иһитиннэрэр. Мировой суукка…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…