Кыайыы 80 сылыгар Саха сирин миэдиктэрэ «ЗдравПобеда» аахсыйаны ыыталлар

Саха сирин миэдиктэрэ Аҕа дойду Улуу сэриитигэр Кыайыы 80 сылыгар аналлаах «ЗдравПобеда» аахсыйаны ыыталлар.

Кинилэр 23 бэтэрээни көрөллөр. Ол иһигэр, Аҕа дойду Улуу сэриитин 9 кыттыылааҕа, блокаднай Ленинград 11 олохтооҕо уонна 3 концлааҕыр хаайылаахтара.

Бырайыак модератора иһитиннэриитинэн, 3 №-дээх килиниичэскэй балыыһаҕа бэтэрээннэри диспансеризациялааһын түмүктэннэ. Ол түмүгүнэн 16 бэтэрээн стационарга эмтэнэн бүттэ, 7 бэтэрээн күнүскү стационар усулуобуйатыгар мэдиссиинэ көмөтүнэн туһанна. Ону тэҥэ бэтэрээннэри диспансернай кэтээн көрүүгэ көһө сылдьар быраастар биригээдэтэ үлэлиир.

«Бэтэрээннэр — биһиги историябыт саамай ыарахан кэмнэригэр хорсун быһыыларын тыыннаах холобурдара. Кинилэр чугас дьонноруттан эрэ буолбакка, эмчиттэр ураты болҕомтолорун ылыахтаахтар. Ол иһин быраастар «ЗдравПобеда» аахсыйаны көҕүлээбиттэрэ. Бу көҕүлээһин дьоруойдар кыһалҕаларын бөҕөргөтүүгэ туһулунар», — диэн Доруобуйа харыстабылын миниистирэ Лена Афанасьева бэлиэтээтэ.