Хаартыска: Тускулаана Горохова-Кобельянова тиксэриитэ
«19-с хайыһар биригээдэтин суолунан…» диэн төһөлөөх чинчийэр үлэ барбыта буолуой?! Старай Русса Ильмень күөлүгэр төһөлөөх хорсун буойуттарбыт ийэ дойдуларын көмүскээн хааннаах кыргыһыыга охтон, сураҕа суох сүппүттэрэ, көмүс уҥуохтара көтөҕүллүбэтэҕэ буолуой?!
Оттон «Саха сирэ — Ильмень» этэрээт «Вахта памяти» хамсааһын көмөтүнэн аан бастакытын саллааттар кырамталарын көрдүүр үлэни тэрийэр.
Сунтаар гимназиятын учуутала Сергей Иванов көҕүлээһининэн «Сонор» көрдүүр, чинчийэр этэрээт үлэлээбитэ иккис сылыгар барда. Бу күннэргэ төрдүс сырыыга түөрт оҕону: Айаан Гороховы, Конон Михайловы, Артур Васильевы, Максим Зедгенидзены Старай Руссаҕа илдьэ баран көрдөөһүн үлэтин салгыыр. Ардаан, хаардаан оҕолор улахан эрэйи көрсөллөр да, үлэ тиһигин быспакка баран уон биэс буойун кырамтата, ол иһигэр Өлүөхүмэ саллаатын ньуоската көһүннэ! Ньуоска хаһаайынын дьоно бу сэттис чыыһылаҕа онно тиийиэхтээхтэр. Онтон бүгүн Старай Русса түмэлигэр долгутуулаах түгэн. Былырыын Мухамедьянов
Хабибрахман диэн саллаат уордьанын булбуттара. Ол бэлиэ мэтээли көрө-истэ, махтана аймах дьахтар кэллэ. Биһиги биир дойдулаахтарбыт Кыайыы 80 сылыгар үйэлээх үлэни оҥороллоругар Сунтаар гимназиятын салайааччыта Любовь Евсеева улахан суолтатын ууран, бу үлэни сырдаттарар сыаллаах Алена, Радомир Сергеевтары командировкалаан үлэ барар. Ону кытта айаннарын Ыччат бэлиитикэтин салалтата үбүлээн улахан көмө оҥоһулунна. Сотору бу эспэдииссийэ туһунан биэриини, сонуну күүтүҥ!
Тускулаана Горохова-Кобельянова
Хаартыскалар ааптар тиксэриилэрэ
Киһи ханнык ыйга төрөөбүтүнэн майгыта эмиэ оннук буолар диэн этэллэр. Бу туһунан билэҕин дуо? Ханнык…
Саха Өрөспүүбүлүкэтин норуодунай бэйиэтэ Савва Иванович Тарасов: “Мин Уус-Алдан Хоротун Крыловтарын туһунан хомуллубут матырыйаалы билсэн…
Быйыл 2025 сылга Улуу Кыайыы 80 сыла. Өрөгөйдөөх үбүлүөйдээх, хаһан да өлбөөдүйбэт Улуу бырааһынньыкпыт буолаары…
Ыам ыйын 8 күнүгэр "Кэҕэ'' ("Кукушка'') диэн саҥа киинэ киэҥ экраҥҥа тахсыаҕа. Режиссер - Евгений…
Ыам ыйын 19 күнүттэн Саха сиригэр "СВОе дело" бырайыак саҕаланар. Бу туһунан "Мин биисинэһим" киинтэн…
Кыайыы күнүн көрсө байыастарга бырааһынньыктааҕы бэлэхтэри туттарыы салҕанар. Бу туһунан телеграм-ханаалыгар Ил Дархан Айсен Николаев…