Кыайыы 80 сылынан байыастарга бэлэхтэри тириэрдиэхтэрэ
04.04.2025, 17:43
https://www.sakha.gov.ru/news/front/view/id/3489561
Бөлөххө киир:
Дьокуускайга автофургоҥҥа байыаннай дьайыыга сылдьар байыастарга анаан ас-үөл нобуордарын тиэйии саҕаланна. Саҥа патриотическай аахсыйа Кыайыы 80 сылыгар, Арассыыйаҕа Аҕа дойдуну көмүскээччи сылыгар ананар.Бу туһунан брифиҥҥэ «Вместе к Победе» өрөспүүбүлүкэтээҕи суһал ыстаап хамыыһыйатын координационнай киинин салайааччыта Георгий Куркутов иһитиннэрдэ.
«Ас-үөл нобуордарын тиэйиини бүгүн киэһэ бүтэрэр былааннаахпыт. Онон, сарсын-өйүүн рефрижиратор сөптөөх температурнай эрэсиими тутуһан фроҥҥа тиэрдиэҕэ. Нобуорга эт, балык уонна да атын олохтоох бородууксуйа баар», — диэн координационнай киин салайааччыта эттэ.
Маны таһынан, өрүһүнэн кыһыҥҥы суол сабылларынан сибээстээн, кэлэр нэдиэлэҕэ Дьокуускайтан байыаннай дьайыы сиригэр массыынанан бүтэһик рейс оҥоһуллуохтааҕын туһунан иһитиннэрдэ.
«Туһааннаах рейсинэн биһиги аадырыстаах баһыылкалары, биир снегоболотоходу, бырысыабы, тырааныспарка саппаас чааһы ыытыахпыт. Бу бары Амма, Алдан, Нерюнгри оройуоннарын үбүнэн ылан ыытыллар. Маны таһынан байыаннай чаастан сайаапкаларынан түөрт ПАЗ оптуобуһу ыытыахпыт», – диэтэ.
+1
+1
+1
+1
+1
+1
1
+1
Сообщить об опечатке
Текст, который будет отправлен нашим редакторам: