Салгыы
Кыайыы дьыктааныгар ыҥыраллар

Кыайыы дьыктааныгар ыҥыраллар

23.04.2024, 18:00
Хаартыска: minobrnauki.sakha.gov.ru ТГ.
Бөлөххө киир:

Муус устар 26 күнүгэр дойду бары эрэгийиэннэригэр, Арассыыйа уонна тас дойду олохтоохторо Арассыыйа байыаннай устуоруйатын, ааспыт дьоруойдуу түгэннэрин үөрэтэллэригэр туһаайыллар, норуоттар икки ардыларынааҕы “Кыайыы дьыктаана” патриотическай аахсыйа ыытыллыаҕа. Бу туһунан Үөрэх уонна билим министиэристибэтэ иһитиннэрэр.

Кыайыы дьыктаана “НАША ПОБЕДА” тэрийэр хамыыһыйа көҕүлээһининэн, 1941-1945 сс. түгэннэринэн билиитин баҕалаах барыта бэрэбиэркэлэнэн көрөрүн туһугар 2019 сылтан сыллата ыытыллар.

Саха сирин олохтоохторо “Кыайыы дьыктааныгар” сыл аайы көхтөөхтүк кытталлар. Былырыын өрөспүүбүлүкэ бары улуустарыгар 725 былаһааккаҕа буолбута. Бу дьыктааҥҥа сыһыарыллыбыт былаһаакка уопсай ахсааныттан 2,63% тэҥнэһэр. Былаһаакка ахсаанынан Саха Өрөспүүбүлүкэтэ дойдуга ахсыс, Уһук Илин федеральнай уокурукка бастакы миэстэҕэ тахсыбыта.

Быйыл муус устар 22 күнүнээҕи туругунан, 872 былаһаакка тэриллэн турар.

“Кыайыы дьыктаана” патриотическай аахсыйаны хаачыстыбалаахтык тэрийэр инниттэн, СӨ Үөрэҕин уонна билимин министиэристибэтин биэдэмэстибэннэй тэрилтэтин – Үөрэх хаачыстыбатын кэтээн көрөр киин исписэлиистэрэ улахан үлэни ыыталлар.

Бу бээтинсэҕэ, муус устар 26 күнүгэр дьон-сэргэ Улуу Кыайыыга аналлаах алтыс төгүлүн ыытыллар “Кыайыы дьыктаана” норуоттар икки ардыларынааҕы патриотическай аахсыйаҕа түмсүөхтэрэ.

Тэрээһин “Арассыыйа – мин устуоруйам” устуоруйа пааркатыгар буолуоҕа. Киэҥ далааһыннаах тэрээһиҥҥэ баҕалаахтары барыларын ыҥыраллар.

“Кыайыы дьыктаана” аахсыйа кыттыылаахтарыгар иһитиннэрии:

14:00 ч. – бэлиэтэнии, дьыктаан былааҥкаларын түҥэтии;

15:00 ч. – дьыктааны суруйуу.

Буолар сирэ: Дьокуускай к., Уткин аат. уулусса 5 нүөмэрдээх дьиэтэ, “Арассыйа – мин устуоруйам” устуоруйа паарката.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 мая
  • 17°C
  • Ощущается: 15°Влажность: 23% Скорость ветра: 5 м/с

Сообщить об опечатке

Текст, который будет отправлен нашим редакторам: