Хаартыска: Григорий Сысоев.
Арассыыйа биэс төгүллээх марафоҥҥа чөмпүйүөнэ «Якутия» хаһыат бирииһигэр эстафетаны, 80-тан тахса сыллаах устуоруйалаах өрөспүүбүлүкэҕэ саамай маассабай чэпчэки атлетика күрэхтэһиитин, иилииргэ-саҕалыырга сөбүлэстэ.
Манна даҕатан эттэххэ, Сардаана Трофимова хас да төгүл эстафетаҕа кыттан турардаах, бэл биир кэмҥэ СГУ Физическэй култуураҕа уонна успуорка институтун хамаандатын састаабыгар киирэн, өр сылларга турбут рекорду олохтообута. Онон аатырбыт сүүрүк эстафета устуоруйатыгар чаҕылхай суолу хаалларбыта.
Санатан эттэххэ, “Социалистическая Якутия” хаһыат (оччолорго итинник ааттаах этэ) бирииһигэр бастакы маассабай сүүрүү 1944 сыл ыам ыйыгар, Улуу Кыайыы буолуон биир сыл иннинэ тэриллибитэ. Эстафета кэлин Аҕа дойду Улуу сэриитигэр Сэбиэскэй Сойуус кыайыытын бырааһынньыгын быстыспат сорҕотунан буолбута, хас сыл аайы ыам ыйын 9 күнүгэр куорат киин уулуссаларынан сүүһүнэн спортсмен сүүрэрэ.
Үгэс быһыытынан эстафета өрөспүүбүлүкэҕэ сайыҥҥы чэпчэки атлетика сезонун аһара. Бу сыллар тухары хамаанданан сүүрүү чэпчэки атлетика саамай улахан күрэхтэһиитинэн буолар, манна 500-тэн тахса оскуола үөрэнээччитэ, устудьуоннар уонна сүүрүүнү таптааччылар кытталлар. Сүүрүктэри тыһыынчанан бииргэ үөрэнэр оҕолоро, доҕотторо, төрөппүттэрэ, аймахтара тахсан ыалдьаллар.
Биллэр биричиинэлэринэн – хамсык турбутугар уонна Ленин проспега саҥардыллар кэмигэр, кэнники түөрт сылга эстафета ыытыллыбатаҕа. Быйыл Уһук Илин биир саамай кырдьаҕас хаһыата “Якутия” киирэр «Сахамедиа» медиахолдинг салалтата эстафетаны сөргүттэ. Өссө саҥа брендилээх – Кыайыы эстафеталаах уонна хаһан да тура илик бириис пуондалаах.
Хаһан буолар? Сүүрүү маршрута ханан ааһар? Хас хамаанда кыттарый? Кыайбыт хамаандалар туох наҕарааданы ылыахтарай? Бу туһунан Кыайыы эстафетатын официальнай страницатыгар бу сигэнэн. киирэн билсиэххитин сөп.
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…