Хаартыска: Мария Васильева, ЯСИА.
Аҕа дойду Улуу сэриитигэр Кыайыы 80 сылыгар «Кыайыы Харыйатын уруһуйдаа» диэн норуоттар икки ардыларынааҕы уруһуй күрэҕэ биллэрилиннэ.
Кыайыылаах үлэ «Почта России» хампаанньа «Марка» АУо таһаарар, эбииликтии тупсарыллыбыт технологиялаах (augmented reality) мааркалаах аккырыыкканан буолуоҕа. Тэрийээччилэр 1945 сыллааҕы харыйаны ойуулуур аккырыыкка уруһуйдуурга этии киллэрэллэр. Холобур, биһиги эбэлэрбит, эһэлэрбит уонна кинилэр төрөппүттэрэ Саҥа дьылы хайдах бэлиэтииллэрин, харыйаны киэргэтэллэрин, бырааһынньыктааҕы эйгэни тэрийэллэрин, бэлэх атастаһалларын көрдөрүөххэ сөп.
Ааптар үлэтин ханнык баҕарар уус-уран ньыманан толоруон сөп: акварель, гуашь, digital art (сыыппара ускуустубата) уо.д.а. Ону таһынан, худуоһунньуктар үлэлэрин сытыары эбэтэр туруору форматын бэйэлэрэ талыахтарын сөп. Дьүүллүүр сүбэ үлэлэр айар дьоҕурдарын, уратыларын, иэйиилэрин уонна толоруу маастарыстыбаларын сыаналыаҕа. Бары уруһуйдар Кыайыы түмэлин официальнай саайтыгар виртуальнай быыстапкаҕа киириэхтэрэ, оттон кыайыылаахтары чаҕылхай бэлэхтэр уонна түмэлгэ саҥа дьыллааҕы быыстапка аһыллыытыгар наҕараадалааһын үөрүүлээх сиэрэ-туома күүтэр. Күрэххэ 6 саастарыттан үөһэ саастаах ким баҕарар киһи кыттыан сөп. Үлэлэр сэтинньи 23 күнүгэр диэритутуллаллар. Сиһилии информацияны күрэх саайтыттан билсиэххэ сөп.
СӨ Ил Дарханын Айсен Николаев сорудаҕынан сэтинньи 25-26 күннэригэр Дьокуускайга саха тылын, литературатын уонна култууратын…
Ааспыт нэдиэлэ устата Саха сиринээҕи Росгвардия харабылын үлэһиттэрэ харабылланар эбийиэктэртэн киирбит иһитиннэриилэринэн 84 быраабы кэһээччини…
Саха норуодунай суруйааччыта, СӨ ускуустубатын үтүөлээх диэйэтэлэ, СӨ култууратын үтүөлээх үлэһитэ, СӨ Духуобунаска акадыамыйатын акадыамыга Василий…
Арҕаа дойдулар 2026 сылга буолуохтаах Госдуума быыбарыгар дьайар сыаллаах саҥа стратегияны оҥоро сылдьаллар диэн Госдуума…
Саха араадьыйатын 95 сыллаах үбүлүөйүнэн сибээс салаатын үлэһиттэрин уонна бэтэрээннэрин чиэстээтилэр. Бу туһунан ЯСИА суруйар.…
Арассыыйа Уһук Илин уонна Арктика сайдыытыгар миниистирэ Алексей Чекунков билигин Москваҕа буола турар Уһук Илиҥҥи…