«Кыайыы куолаһын» истиҥ

Аҕа дойду уоттаах сэриитигэр Улуу Кыайыы 80  сылынан «Кыайыыны истиэххэ» аахсыйа ыытыллар.

Ким баҕарар 8 (800) 200-0905 нүөмэргэ эрийиэн сөп. Архыыпка ураты устуулар хараллан сыталлар.

Юрий Левитан иһитиннэриитэ ордук Аҕа дойду сэриитин сылларыгар болҕомтону тардара. Кини саҥата өйгө-санааҕа дьайара, дьону-сэргэни түмэрэ. Маны таһынан, Лидия Спивак (Овчаренко) ахтыытын истиэххэ сөп. Кини Кыайыы символларыттан биирдэстэринэн буолбута. Мэтириэтэ хаһыаттарга, сурунаалларга тахсара. Кини оччолорго постка туран кырыктаах сэрии туһунан санаатын үлэстибитэ. Аахсыйа ыам ыйын 15 күнүгэр диэри ыытыллар.

—Улуу Кыайыы 80  сылыгар «Кыайыыны истиэххэ» аахсыйа ыытыллар. Аахсыйа ааспыты кытары ситими ыкса тутан сылдьыы наадалааҕын өйдөтөр, санатар, — диэн «Саха» НКИХ араадьыйанан биэрии эрэдээктэрэ Прокопий Хабаров санаатын үллэстэр.

Өрөспүүбүлүкэ араадьыйатыгар Кыайыы 80  сылыгар анаммыт элбэх биэрии тахсарын этэр. Ол курдук, «Ахтан, санаан ааһыахха», «Живые голоса, «Буорах сыттаах суруктар», «Они сражались за Родину», «Ытык өйдөбүл», «Песни опаленные войной», архыыптан рубрикалар, ону сэргэ роликтар бааллар.

Санатар буоллахха, Саха сиригэр «Люди Победы» бырайыак олоххо киллэриллэр. «Саха» НКИХ Саха сиригэр төрөөбүт, олорбут, Аҕа дойду сэриитин кыттыылаахтарын туһунан дааннайдар баазаларын тэрийэр.

Бу Улуу Кыайыы 80 сылынан, РФ Аҕа дойдуну, Саха сиригэр Ийэ дойдуну көмүскээччи сылларынан ыытыллар.