«Кыайыы куолаһын» истиҥ

Аҕа дойду уоттаах сэриитигэр Улуу Кыайыы 80 сылын бэлиэтээһин чэрчитинэн, ыам ыйын 15  күнүгэр диэри «Кыайыыны истиэххэ» Бүтүн Арассыыйатааҕы аахсыйа салҕанар.

Ким баҕарар 1945 сыл ыам ыйын историческай событиеларын кытта сибээстээх архыыпка хараллан сытар устуулары истиэн сөп. Онуоха бу нүөмэргэ босхо эрийиэххитин сөп: 8 (800) 200-09-05.

Юрий Левитан  иһитиннэриитэ Аҕа дойду сэриитин сылларыгар улахан болҕомтону тардыбыта, норуокка улахан суолталаах буолбута. Холкутук уонна чуолкайдык, чиҥник саҥаран иһитиннэрэрэ эрэли күүһүрдэрэ, биир сомоҕо буолууга сирдиирэ. Маны сэргэ, Лидия Спивак (Овчаренко) ахтыытын истиэххэ сөп. Кини Кыайыы символларыттан биирдэстэринэн буолбута. Мэтириэтэ хаһыаттарга, сурунаалларга тахсара. Кини оччолорго постка туран кырыктаах сэрии туһунан санаатын үллэстибитэ.

Саха сиригэр Улуу Кыайыы 80  сылынан тэрээһиннэр тиһиктээхтик салҕаналлар. Ол курдук, Ем.Ярославскай аатынан түмэлгэ «Голос с фронта» быыстапка ыытыллар. Манна бэтэрээн Николай Егоров суруктарын көрүөххэ, суруктары ааҕалларын истиэххэ сөп. Ону сэргэ, хаартыскалар көрөөччү болҕомтотун тардаллар. Быыстапка балаҕан ыйын ортотугар диэри ыытыллар.

Маны таһынан, өрөспүүбүлүкэ араадьыйатыгар Улуу Кыайыы 80  сылыгар анаммыт биэриилэр тахсаллар. Ол курдук, эһиги истиэххит «Ахтан, санаан ааһыахха», «Живые голоса», «Буорах сыттаах суруктар», «Они сражались за Родину», «Ытык өйдөбүл», «Песни опаленные войной» биэриилэри. Саха сиригэр «Люди Победы» бырайыак олоххо киллэриллэр. «Саха» НКИХ Саха сиригэр төрөөбүт, олорбут, Аҕа дойду сэриитин кыттыылаахтарын туһунан дааннайдар баазаларын тэрийэр.

СӨ Ил Дарханын уонна Бырабыыталыстыбатын пресс-сулууспата