“Кыайыы Куубагын” туһугар саахыматчыттар киирсиэхтэрэ

Ыам ыйын 10-11 күннэригэр Дьокуускайга “Кыайыы Куубага” түргэн саахымакка өрөспүүбүлүкэ чөмпүйэнээтэ буолуоҕа.

УФКИМС пресс-сулууспата иһитиннэрбитинэн, Аҕа дойду Улуу сэриитигэр Кыайыы 80 сылыгар анаммыт күрэхтэһии Өрөспүүбүлүкэтээҕи саахымат уонна дуобат киинигэр эр дьон уонна дьахталлар икки ардыларыгар ыытыллыаҕа.

Турнир формата:

• Бастакы түһүмэх: 3-с спортивнайтан кырата суох разрядтаах ким баҕалаах барыта кыттар.
• Иккис түһүмэх: бастакы түһүмэх түмүгүнэн 16 күүстээх кыттааччы онно киирэр.
• Дьахталлар зачеттара бастакы түһүмэх түмүгүнэн быһаарыллыаҕа.
• Кыайыылаахтар уонна призердар өйдөбүнньүк мэтээллэри, грамоталары уонна сыаналаах бириистэри тутуохтара. Ону кытта анал наҕараадалары туттарыахтара.

Ыйыталаһар төлөпүөҥҥүт нүөмэрэ: 705-155