Хаартыскалары Наталья Руфова тиксэрдэ
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка аптаныамыйалаах уокуругар Анадырь куоракка тиийдэ.
Тыйаатыр кэлэктиибэ бэстибээл ирдэбилинэн, 10 киһилээх састаабынан, Саха норуодунай суруйааччыта Дмитрий Наумов “Саллаат дьылҕата” айымньытынан туруоруллубут “Күн туһугар” испэктээги көрдөрүөҕэ. Ону таһынан, бэстибээл бырагырааматын чэрчитинэн, нуучча классик суруйааччыларын айымньыларыттан быһа тардан толоруохтара. Дэлэгээссийэ састаабыгар режиссер Быйаҥнаах Ичээнэ Баай кыыһа, “Тускул” култуура киинин дириэктэрэ Валентин Чепалов, Хатас нэһилиэгин дьаһалтатын баһылыгын солбуйааччы Семен Игнатьев, Хатастааҕы оҕо ускуустубатын оскуолатын уһуйааччыта Саргылана Григорьева, “Тускул” КК исписэлиистэрэ Зоя Баишева, Владимир Собакин, артыыстар Станислав Прокопьев уонна Василий Пинигин, норуот маастара Андрей Лукич киирдилэр.
Бу айаҥҥа бэлэмнэниигэ тыйаатыр кылгас кэм иһигэр улахан үлэни ыыппытын бэлиэтиэххэ наада. Холобур, испэктээккэ нууччалыы субтитр оҥоһулунна, тылбаас үлэтэ барда. Урут 30-ча артыыс кыттар испэктээгэ, билигин 10 киһиэхэ анаан саҥаттан уларытыллан туруорулунна, сүрүн оруоллары толорооччулар уларыйдылар уо.д.а. Артыыстарбытыгар ситиһиилээх сырыыны, чаҕылхай кыайыыны, айар аартыктарын арылла турарыгар баҕарабыт.
Наталья Руфова, Хатас.
2026 сылтан босхо чинчийиилэр бырагыраамалара кэҥээтэ. Холобур, дьахталлар киһи папилломатын вируһугар, оттон 45-тэн үөһээ саастаах…
«Олох инфраструктурата» нацбырайыак олоххо киириитинэн, 2025 сылга Саха сиригэр эрэгийиэннээҕи уонна нэһилиэктэр икки ардыларынааҕы суолларга…
Алдан куорат олохтооҕо интэриниэт ситимигэр экстремистскэй дьайыыны оҥорорго анаан-минээн ыҥырыылары таһаарбытын уонна тарҕаппытын иһин сууттанна.…
Чэппиэргэ, тохсунньу 22 күнүгэр, Дьокуускайга 48 VolgaBus мааркалаах оптуобуһу аҕаллылар. СӨ Ил Дархана Айсен Николаев…
СӨ Ил Дархана Айсен Николаев Амма улууһугар оробуочай сырыытын кэмигэр мас-рестлинг спортивнай саалатыгар сылдьан, бу…
Тохсунньу 22 күнүгэр Дьокуускай куоракка Үөһээ Бүлүүгэ ураты суолталаах бэлиэ түгэн үүннэ — Үөһээ Бүлүү…