Хаартыска: Айсен Николаев телеграм-ханаалыттан.
Бүгүн, ыам ыйын 9 күнүгэр, Улуу Кыайыы 79 сылыгар Дьокуускайга үөрүүлээх быһыыга-майгыга Арассыыйа дьоруойдарын Николай Соболевы уонна Игорь Юргины чиэстээһин буолла. Тэрээһин Арассыыйа гимнин сүһүөххэ туран истииттэн саҕаланна.
Бу долгутуулаах тэрээһиҥҥэ дьоруойдар чугас дьоно, доҕотторо, ону сэргэ оскуола оҕолоро — эдэр армеецтар, байыаннай дьайыы кыттыылаахтара сырыттылар.
— Аҕа дойду сэриитигэр хорсуннук кыттыбыт сахабыт норуота, тыылга үлэлээбит дьоно-сэргэтэ, биһиги кинилэр хорсун быһыыларын, эр санааларын уонна тулуурдарын иннигэр төбөбүтүн хоҥкутабыт. Үйэ саас тухары сүгүрүйэбит. Оччолорго, 1945 сыллаахха Улуу Кыайыы күнүгэр биһиги өстөөхтөрбүтүн кыайбыппыт. Хомойуох иһин, билигин өстөөҕү утары эмиэ охсуһабыт.
Мин бүгүн ис сүрэхпиттэн Улуу Кыайыы күнүгэр биир дойдулаахтарбытын, Арассыыйа Дьоруойдарын Николай Соболевы уонна Игорь Юргины чиэстиирбититтэн үөрэбин. Кинилэр өстөөҕү утары эр санааны, хорсун быһыыны көрдөрдүлэр. Күндү дьоруойдарбыт, эһиги иккиэн Саха сиригэр улааппыккыт: Игорь Аллараа Кураанахха, оттон Николай манна, Дьокуускайга. Оскуолаҕа үөрэнэ сылдьан, элбэх доҕоттордонон, успуорка дьоҕургутун көрдөрөн, эһиги кыра сааскытыттан тулуурдаах, хорсун майгылаах буола улааппыккыт.
Төрөөбүт дойдугут эһиэхэ өрүү күүс биэрэ, мындыр толкуйу тобуларгытыгар көмөлөһөр. Эһиги чиэстээхтик ытык иэскитин толоро сылдьаҕыт. Арассыыйа бэрэсидьиэнэ Владимир Путин Саха сирин байыастара хорсуннарын, дойдуларыгар бэриниилээхтэрин туһунан элбэхтэ бэлиэтээн турар, биһиги онон киэн туттабыт. Биһиги байыаннай дьайыыга сулууспалыы сылдьар уолаттарбытынан киэн туттабыт. Арассыыйа Дьоруойа ааты сүгүү — үрдүк чиэс. Биһиги эһигинэн киэн туттабыт.
Фроҥҥа дойдубут инникитэ торумнанар. Уустук кэмҥэ дойдубутугар тирэх буолуохтаахпыт. Кыайыыны ситиһии — биһиги барыбыт сорукпут. Биһиги эрэнэбит, кыайыахпыт! Уруй буоллун Сахабыт сирин дьоруойдарыгар! — диэн Ил Дархан Айсен Николаев Арассыыйа Дьоруойдарын чиэстээтэ уонна Николай Соболевка, Игорь Юргиҥҥа 1,5 мөл. солк. суумалаах сэртипикээттэри туттарда.
Николай Соболев уонна Игорь Юргин кинилэри чиэстээһин бүгүҥҥү Улуу Кыайыы күнүгэр түбэспититтэн долгуйбуттарын, дойдуга таптал уонна бэриниилээх буолуу туһунан санааларын үллэһиннилэр.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…