Хаартыска: СИА
Кыайыы күнүгэр Дьокуускайга Сэбиэскэй Сойуус Дьоруойа Федор Попов аатынан искибиэргэ уонна Кыайыы пааркатыгар биллиилээх артиллерист Гаврил Протодьяконовка икки саҥа пааматынньыгы туруорарга былаанныыллар.
Дьоруойдар скульптуралара оҥоһуллан сотору куоракка кэлиэхтэрэ, диэн киин куорат дьаһалтатын пресс-сулууспатыгар иһитиннэрдилэр.
Аҕа дойду Улуу сэриитигэр Кыайыы 80 сылын бэлиэтиир туһунан Дьокуускай куорат баһылыга Евгений Григорьев салайааччылаах тэрийэр кэмитиэт уочараттаах мунньаҕар дьүүллэстилэр.
Сүрүн киин куорат тэрээһиннэрэ ыам ыйын 5-9 күннэригэр ыытыллыахтара. Бу болдьоххо диэри бэлэмнэнии үлэлэр бары түмүктэниэхтээхтэр, диэн Евгений Григорьев сорудахтаата. Ол иһигэр Кыайыы болуоссатын, Кыайыы пааркатын өрөмүөннээһиннэр, дьоруойдар ааттарынан уулуссалары грейдээһин уонна өрөмүөннээһин, мураллары оҥоруу, аншлагтары уонна мемориальнай өйдөбүнньүк ыйынньыктары саҥардыы.
Ыам ыйын 5-9 күннэригэр Дьокуускайга Бүтүн Арассыыйатааҕы «Кыайыы түннүктэрэ», «Кыайыы истиэнэтэ» уонна «Өйдөбүнньүк чүмэчи» аахсыйалары, «Тиэргэнинэн ыллыыбыт» уонна да атын тэрээһиннэри тэрийэн ыытыахтара. Биир саҥа тэрээһининэн Арассыыйа рекордун олохтооһуҥҥа Ленин проспегынан 1418 миэтэрэ уһуннаах Георгиевскай лиэнтэни тэнитиэхтэрэ.
Бастатан туран сытыйбыт-ымыйбыт ас тобоҕун булан халадыынньыктан бырах. Табыллар буоллаҕына, хас нэдиэлэ аайы халадыынньык иһин…
Көр-күлүү күнүттэн муус устар саҕаланар. Бу күнү көрсө Намҥа М.К.Аммосов аатынан Култуура уонна духуобунай сайдыы…
Норуот синоптига Тускул үгэс быһыытынан ый саҥатыгар күн-дьыл туругун билгэлиир. Муус устары маннык анаарда: --…
Бу ыйга киһиэхэ Айыыһыт ордук чугаһыыр кэмэ. Кини баар буолан сиргэ Таптал, Кэрэ үөскээбит, тэнийбит.…
Кулун тутар 24 күнэ. Айсен Николаев Ил Дархан уонна Бырабыыталыстыба дьаһалтатын, Бырабыыталыстыба салалтатын кытта уочараттаах…
Бу күннэргэ күн-дьыл туруга хайдаҕый? Өрөспүүбүлүкэ арҕаа өттүгэр, Өлүөнэ алын тардыытынан, соҕуруу диэки кыралаан хаардыа.…