Кыайыы күнүн көрсө байыастарга бэлэхтэри туттараллар

Кыайыы күнүн көрсө байыастарга бырааһынньыктааҕы бэлэхтэри туттарыы салҕанар. 

Бу туһунан телеграм-ханаалыгар Ил Дархан Айсен Николаев суруйар.

—Тирэх пууннарга үлэ оргуйан олорор. Хас биирдии байыас өр күүппүт бэлэҕин тутарын туһугар бары турунан үлэлииллэр, — диэн бэлиэтиир. Өрөспүүбүлүкэ олохтоохторо байыастарга бырааһынньыктааҕы наборга эт, балык, халбаһы, сироп, харысхал, уо.д.а. укпуттар. Ил Дархан байыаннай сулууспалаахтары кэлэн иһэр Кыайыы күнүнэн эҕэрдэлиир.

Санатан эттэххэ, байыаннай дьайыы саҕаланыаҕыттан Саха сирин салалтата байыастары тиэхиньикэнэн уонна экипировканан хааччыйыыга тиһиктээх үлэни ыытар.

Байыаннай дьайыы сиригэр-уотугар өрөспүүбүлүкэ тирэх пуунун ситимнэрэ, Биир кэлим сүрүннүүр киин, Ил Дархан Айсен Николаев салалтатынан «Вместе к Победе!» хамыыһыйа тэриллибиттэрэ.

2023 сылтан РФ Сэбилэниилээх Күүстэригэр байыаннай дьайыы зонатыгар өрөспүүбүлүкэ хас да тыһыынча автотиэхиньикэни, ол иһигэр «Якт-Сокол Пикап 1.5» квадроцикллары, «Тимир АТ» электроматасыыкыллары, ону таһынан пилота суох көтөр аппарааттары тиэрдибиттэрэ.

Сиһилии: https://www.sakha.gov.ru/news/3970 көрүөххэ сөп.

СӨ Ил Дарханын уонна Бырабыыталыстыбатын пресс-сулууспата