Кыайыы күнүнэн госпиталларга Саха сириттэн бэлэхтэри ыыттылар

Госпиталларга эмтэнэ сытар байыастарга Кыайыы күнүнэн бэлэхтэри ыыттылар. Бу туһунан СӨ гражданскай оборуонаҕа уонна дьон олоҕор-дьаһаҕар куттал суоһаабатын хааччыйыыга миниистири солбуйааччы Яна Наумова брифиҥҥэ иһитиннэрдэ.

«Паром сырыыта саҕаланнаҕына, байыаннай эпэрээссийэ буола турар сиригэр таһаҕастары ыытыахтара. Ааспыт нэдиэлэҕэ Кыайыы күнүнэн Москва, Санкт-Петербург, Владивосток, Доннааҕы Ростов уонна Курскай госпиталларыгар эмтэнэ сытар байыастарга бородуукта нобуордара ыытыллыбыттара», — диэн Яна Наумова эттэ.

Миниистири солбуйааччы эппитинэн, байыаннай сулууспалаахтарга көмөнү хомуйуу салҕанар. СӨ суһал ыстааба байыастары эбии хааччыйыыга көхтөөхтүк үлэлиир. Ол иһигэр тэрилтэлэр тиэхиньикэ ыыталлар.