Хаартыскалар: Марта Николаева тиксэриитэ
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү Кыайыы оһуокайыгар болҕомтону тарта.
Бу сырыыга 1941-1945 сс. Ийэ дойдуларын хорсуннук көмүскээн Дьоруой үрдүк аатын ылбыт Н.А.Кондаков, А.А.Миронов, Н.С.Степанов сырдык ааттарыгар сүгүрүйэн, Кыайыы оһуокайа буолла. Куоракка олорор бүлүүлэр биир дойдулаахтара, үтүөлээх этээччиэр Мэҥкэр Сэмэн Хабырыылла уола, Светлана Харлампьева, Николай Афанасьев-Айдаман о.д.а этээччилэри истээри, түһүлгэҕэ муһуннулар. Алгыстаах оһуокай саҕаланыан иннинэ алгысчыт Ньургуйаана Капитоновна Саввинова аал уоту оттон алгыс баһын сыалаата. Ол кэнниттэн оһуокайы бастакынан Мэҥкэр Сэмэн Хабырыылла уола эттэ. Быыһыгар ырыа доҕуһуоллаах оһуокай уҕараабата.
Эдэр кэскиллээх этээччилэрбит Нарыйа, Сайыына Шамаевалар эттилэр. Үс көлүөнэ этээччини истэн бар дьон астынна.
Бүлүү улууһун оһуокайга түмсүүтүн салайар С.Т.Иванова оһуокайдьыттарын аҕалан биир дойдулаахтарын, куорат олохтоохторун үөртэ. Светлана Тарасовна олоҥхону, оһуокайы сэргэ байыаннай дьайыы кыттыылаахтарыгар волонтердар хамсааһыннарын утумнаахтык үлэлэтэр. Хаххалыыр сиэккэ өрүүтүттэн саҕалаан, уолаттарга тиэхиньикэ атыылаһалларыгар биир дойдулаахтарын түмэн, гуманитарнай көмөнү оҥорон, улахан хамсааһыны таһаарбыта.
Кыайыы оһуокайа бар дьону сомоҕолоото.
Марта Николаева
Хаартыскалар: М.Николаева тиксэриилэрэ
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…