Николай Борисов хаартыската, СИА.
Хаҥалас улууһун Сиинэ нэһилиэгин баһылыга Айдан Леверьев бу күннэргэ байыаннай дьайыыга сылдьар дьонноругар анаан нэһилиэнньэ хомуйбут гуманитарнай көмөтүн ыыппыттарын, туох баар кыаҕы түмэн, кыайыы туһугар күүс, көмө, өйөбүл-тирэх буола олоруулара салҕанарын туһунан кэпсээтэ.
— Биһиги нэһилиэктэн төрүттээх байыаннай дьайыыга кытта сылдьар буойуттарбытыгар, ханна олорон, үлэлээн сылдьыбыттарыттан тутулуга суох, барыларыгар уонна кинилэр дьиэ кэргэттэригэр көмөлөһө олоробут. Барыларын кытта «бассаап»-бөлөххө ыкса сибээскэ барытын билэ-көрө, туох наада буоларын ыйыталаһа, билсэ турабыт. Дьиэ кэргэттэргэ олох-дьаһах көмөтүн таһынан араас сүбэ, өйөбүл оҥоһуллар.
«Алгыс» култуура киинин баазатыгар буойуттарбытыгар наадалаах араас гуманитарнай көмө хомуйуллан улуус киинигэр салгыы буойуттарга ыытарга диэн туттарыллыбыта. Аһымал кэнсиэрбититтэн киирбит харчыны улуус буойуттарга көмөҕө аспыт пуондатыгар тиксэриллибитэ. Ааспыт күһүн оҕуруокка кумаҕы кутууга, кыстыкка бэлэмнэнии саҕана кыстык маһы, иһэр ууга анаан мууһу тиэйиигэ, хаары таһыыга уо.д.а. субуотунньук тэрийэн ыыппыппыт. Оҕо саадын уонна оскуола кэлэктииптэрэ алта дьиэ кэргэҥҥэ матырыйаалынай көмөнү оҥорбуттара. Саҥа дьыл саҕана «Үтүө санаа харыйата» аахсыйанан тэрилтэлэрбит салайааччылара, урбаанньыттара минньигэс бэлэхтэри, сэртипикээттэри уо.д.а. туттаран, буойуттарбыт оҕолорун барахсаттары үөрдэргэ кыһаллыбыттара, дьиэ кэргэттэргэ улуус хаһыатын босхо сурутуу ыытыллыбыта, буойуттарга уонна кинилэр дьиэ кэргэттэригэр анал балаһыанньанан көрүллэр үбүнэн көмөлөр бэриллибиттэрэ.
Бу күннэргэ байыаннай дьайыыга сылдьар дьоммутугар анаан нэһилиэнньэ хомуйбут гуманитарнай көмөтүн ыыттыбыт. Онон туох баар кыахпытын түмэммит кыайыы туһугар күүс, көмө, өйөбүл-тирэх буола олоробут.
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…