Кыайыы уруога

Уус Алдан улууһугар Найахы модельнай бибилэтиэкэтигэр Улуу Кыайыы 80 сылын көрсө Кыайыы уруога ыытылынна.

Бу Бүтүн Арассыыйатааҕы «Свои герои» диэн тиэмэлээх «Библионочь-2025» аахсыйа иитинэн. Манна 6, 7, 8 кылаас үөрэнээччилэригэр улуустааҕы «Өлбөт-сүппэт үйэлээх полк» сайт туһунан билиһиннэрдилэр.  Гоголева Ванесса, Дмитриев Вальтер сырдатыыларын оҕолор сэргээн, болҕойон иһиттилэр. Салгыы «Ийэ өспөт хорсун быһыыта» порталга киирбит Найахы нэһилиэгин Ытык Ийэлэрин Байаара Местникова, Гоша Фомин кэпсээн болҕотону тартылар. Онтон «Саллаат бойобуой суола — Сивцев Алексей Петрович» бэсиэдэни Маша Рожина оҥордо.

Туһалаах тэрээһин буолбутуттан оҕолор да, төрөппүттэр да улаханнык астыннылар. Тэрийээччилэргэ Айталина Готовцеваҕа, Валерия Васильеваҕа махтаннылар.

А.Готовцева

Хаартыскалар: А.Готовцева тиксэриилэрэ