Хаартыскаҕа Саргын Скрябин түһэриитэ
Өрөспүүбүлүкэтээҕи пуорумҥа кыттаары Саха сирин бары улуустарыттан 250 волонтер кэллэ.
Тэрээһин 1941-1945 сс. Аҕа дойду уоттаах сэриитигэр Улуу Кыайыы 80 сылын көрсө бэлэмнэниигэ уонна тэрийэн ыытыыга эрэгийиэннээҕи волонтердар куорпустарын үөрэтии үһүс блогун кытта сөп түбэһистэ.
Пуорумҥа Арассыыйа Дьоруойа, СӨ ыччат дьыалатын уонна социальнай алтыһыытын миниистирин э.т. Игорь Юргин Кыайыы волонтердарын пуорума үөрүйэҕи атастаһыыга, история кырдьыгын харыстааһыҥҥа, тирээн турар суолталаах боппуруостары дьүүллэһиигэ, волонтердар үлэлэригэр саҥа стратегиялары оҥорууга суолталаах былаһаакканан буоларын бэлиэтээтэ.
—-Улуустар волонтердара биир хамаанда буолан үлэлииллэригэр, Улуу Кыайыы үбүлүөйдээх тэрээһиннэрин ыытарга сүрүннээһини олохтуурга пуорум кыаҕы биэриэ. СӨ Ил Дархана Айсен Николаев «Өлбөт үйэлээх полк» Бүтүн Арассыыйатааҕы аахсыйаны үрдүк таһымнаахтык ыытарга уонна «Кыайыы волонтердара» онно кыттыыны ылалларыгар сорудахтаабыта«, — диэн этэр Игорь Юргин.
Пуорум кыттыылаахтарыгар эҕэрдэтин «КЫАЙЫЫ ВОЛОНТЕРДАРА» Бүтүн Арассыыйатааҕы уопсастыбаннай хамсааһын эрэгийиэннээҕи дириэксийэтин салайар Алия Набиуллина тиэртэ. Улуу Кыайыы үбүлүөйдээх сылын бэлиэтээһин иитинэн, норуоттар икки ардыларынааҕы волонтердар куорпустара үлэлиэ. Онно дойду эрэгийиэннэриттэн ким баҕалаах киирэр, ол иһигэр Саха сириттэн эмиэ.
«Кыайыы волонтердара» Бүтүн Арассыыйатааҕы хамсааһын эрэгийиэннээҕи отделениетын ыстаабын бэрэссэдээтэлин э.т. Тимур Егоров үөрэх үһүс очнай түһүмэҕэр Кыайыы волонтердара квалификацияларын үрдэтиэхтэрэ диэн этэр. Бырагыраамаҕа үөрэтэр сиэссийэлэр, лиэксийэлэр, эспиэрдэр маастар-кылаастара, бэсиэдэлэр уо.д.а. ыытыллыахтара.
Пуорум кыттыылаахтара — Кыайыы волонтердара Улуу Кыайыы 80 сылынан тэрээһиннэри уонна аахсыйалары ыытарга бэлэмнэрин биллэрэллэр.
«Кыайыы волонтердара» уопсастыбаннай хамсааһын РФ Бэрэсидьиэнэ В.Путин көҕүлээһининэн 2015 сыллаахха тэриллибитэ. Бүгүн Арассыыйа хас биирдии субъегар эрэгийиэннээҕи отделениелар бааллар.
Сиһилии https://www.sakha.gov.ru/news/front/view/id/3490631 манна киирэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Хаартыскаларга Саргын Скрябин түһэриитэ
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…