Саргын Скрябин хаартыскаҕа түһэриитэ
Кыайыы волонтердарын үөрэтэллэр.
Дьокуускайга доброволецтар ресурснай кииннэрин баазатыгар 1941-1945 сс. Аҕа дойду уоттаах сэриитигэр Улуу Кыайыы 80 сылынан, тэрээһиҥҥэ бэлэмнэниигэ уонна тэрийэн ыытарга эрэгийиэннээҕи волонтердар куорпустарын үөрэтии саҕаланна.
СӨ ыччат дьыалатын уонна социальнай алтыһыытын миниистирин солбуйааччы Андрей Сосновскай бэлиэтииринэн, Кыайыы волонтердарын үөрэтии ыччаты дойдуга бэриниилээх буоларга иитэр. Ону сэргэ, көлүөнэлэр сибээстэрин бөҕөргөтөр уонна историяны харыстыыр суолталаах ураты тэрээһин буолар.
«Кыайыы волонтердарын үөрэтии үс блоктаах. Бастатан туран, волонтердар куорпустарын үлэтин сыалын-соругун кытары билиһиннэрии киирэр. Үөрэх бырагырааматыгар Аҕа дойду уоттаах сэриитин уонна аныгы Арассыыйа историятын кэпсиэхтэрэ. Ону сэргэ, патриотическай тэрээһиннэри тэрийэн ыытарга, хамаанданы тэрийэргэ маастар-кылаастар, трениннэр ыытыллыахтара«, — диэн сырдатар «Кыайыы волонтердара» уопсастыбаннай хамсааһын эрэгийиэннээҕи салаатын толорооччу дириэктэрэ Тимур Егоров.
Кыайыы волонтердара лиэксийэлэри, кэпсэтиилэри таһынан, өссө хайдах тэрийэргэ, тугу оҥорорго бэйэлэрэ холонуохтара, үөрэниэхтэрэ, ол иһигэр бэтэрээннэри кытары үлэҕэ, өйдөбүнньүк аахсыйалары тэрийиигэ эмиэ.
Үөрэх бастакы блогар 100 кэриҥэ кыттааччы баара бэлиэтэнэр. Иккис блок кулун тутарга ыытыллар. Муус устарга былааннанар үһүс блокка «Кыайыы волонтердара» өрөспүүбүлүкэтээҕи пуорум ыытыллар. Онно 200 тахса киһи өрөспүүбүлүкэ бары улуустарыттан кыттыахтара.
Кыайыы волонтердарын үөрэтэр бырагырааманы СӨ ыччат дьыалатын уонна социальнай алтыһыытын министиэристибэтэ, «Кыайыы волонтердара» Арассыыйатааҕы уопсастыбаннай хамсааһын эрэгийиэннээҕи салаата, «Ресурсный центр добровольчества Республики Саха (Якутия)» тэрийэллэр.
СӨ Ил Дарханын уонна Бырабыыталыстыбатын пресс-сулууспата
Саргын Скрябин хаартыскаҕа түһэриитэ
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…