Кыайыы знамялаах баһылык

Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар.

«Нэһилиэгим олохтоохторугар итэҕэйэн баһылыгынан талбыттарыгар махтанабын.  Мин үлэм олохтоохтору кытта ыкса ситимнээх. Дьон санаатын истиэм, хас биирдии нэһилиэк сайдыыта хас биирдиибит үлэтин түмүгэ буолар», — диэн Өймөкөөн улууһун Аартык   нэһилиэгин саҥа талыллыбыт  баһылыга Василий Галуза санаатын үллэһиннэ.

Кини Жатай бөһүөлэгин орто оскуолатын бүтэрбит. Улахан дьиэ кэргэҥҥэ төрөөбүт. Кыра сааһыттан балтын, быраатын иннигэр эппиэтинэһи сүгэ улааппыт. Төрөппүттэрэ киниэхэ кыра сааһыттан төрөөбүт дойдуга тапталга, бэриниилээх буолууга, дьулуурдаах буолууга ииппиттэр. Байкальскай судаарыстыбаннай университеты бүтэрбит. Воздушнай-десантнай чааска аармыйаҕа сулууспалаабыт. Дьокуускай куорат Дууматын ыччат балаататын чилиэнэ. 2023 сыллаахха байыаннай дьайыыга разведчигынан барбыта.