Хаартыска: "Олох суола" хаһыаттан
«Кыайыы Знамятын» эстэпиэтэтэ тиһиктээхтик салҕанар. Бүгүн, олунньу 13 күнүгэр, Бүлүү улууһа Кыайыы Знамятын тутта.
Бу уон бэһис улуус буолар. Знамяны туттарыы долгутуулаах, үөрүүлээх тэрээһинэ Горнай уонна Бүлүү улуустарын кыраныыссатыгар буолла.
«Төрөөбүт тыл уонна сурук-бичик күнүгэр дойдубутугар маннык улахан суолталаах Кыайыы Знамятын бүгүн Бүлүү улууһун дьоно-сэргэтэ туттубут. Бу биһиги өбүгэлэрбит, ытык дьоммут хорсун-хоодуот быһыыларыгар сүгүрүйэрбитин, өйдүүрбүтүн уонна дойдубут чэчирии сайдарын туһугар бары кыһамньыбытын уурарбыт туоһутунан буолар «, — диэн этэр дьокутааттар улуустааҕы сэбиэттэрин бэрэссэдээтэлэ Гаврил Корякин.
Түөрт күн устата Кыайыы Знамята улуус нэһилиэктэринэн айанныа. Нэһилиэнньэлээх пууннарга тэрээһиннэр, Аҕа дойду уоттаах сэриитигэр Улуу Кыайыыны уһансыбыт бэтэрээннэри, тыыл бэтэрээннэрин, сэрии сылларын оҕолорун, бойобуой дьайыылар бэтэрээннэрин, байыаннай дьайыы кыттыылаахтарын кытары көрсүһүүлэр ыытыллыахтара. Эр санаа уруоктара, патриотическай тэрээһиннэр буолуохтара.
Кыайыы Знамята олунньу 17 күнүгэр Үөһээ Бүлүү улууһугар туттарыллыа.
Эстэпиэтэ 14 улууска сырытта: Мэҥэ Хаҥалас, Амма, Уус Маайа, Алдан, Нерюнгри, Уус Алдан, Чурапчы, Таатта, Томпо, Өймөкөөн, Кэбээйи, Нам, Хаҥалас, Горнай.
СӨ Ил Дарханын уонна Бырабыыталыстыбатын пресс-сулууспата
Хаартыска: «Олох суола» хаһыаттан
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…