Өлүөхүмэ улууһугар «Кыайыы Знамята» эстэпиэтэ салҕанар.
Знамяны бастакынан Өлүөхүмэ куората көрүстэ. Знамяны улуус баһылыгыттан Николай Харбинтан Өлүөхүмэ куоратын баһылыга Сергей Щебляков тутта.
Ил Дархан Айсен Николаев саҕалаабыт эстэпиэтэтин үөрүүлээх быһыыга-майгыга бэҕэһээ Солянка, Хоро, Үҥкүр, Өлүөхүмэ, Кээччи, Абаҕа олохтоохторо көрсүбүттэрэ. Бүгүн эстэпиэтэ Урицкайга, Саҥыйахтаахха, Дабааҥҥа, 1 уонна 2 Нөөрүктээйигэ салҕанна.
Сарсын, кулун тутар 27 күнүгэр, Кыайыы Знамята салгыы Заречнайынан, Троицкайынан, Даппарайынан, Маачанан, Чапаевонан айанныа. Патриотическай аахсыйа улууска кулун тутар 28 күнүгэр түмүктэниэ. Знамяны бу күн дьаарханнар, чараҥнар, тээнэлэр, киндигирдэр көрсүөхтэрэ.
Нэһилиэнньэлээх пууннарга тэрээһиннэр, тыыл бэтэрээннэрин, сэрии сылларын оҕолорун, бойобуой дьайыылар бэтэрээннэрин, байыаннай дьайыы кыттыылаахтарын кытары көрсүһүүлэр тэриллэллэр. Тэрилтэлэр көхтөөх кыттыыны ылаллар.
Улуу Кыайыы 80 сылыгар, Арассыыйаҕа Аҕа дойдуну, Саха сиригэр Ийэ дойдуну көмүскээччилэр сылларыгар анаммыт «Кыайыы Знамята» эстэпиэтэ 24 улууһунан айаннаата. Ол курдук, Мэҥэ Хаҥаласка, Аммаҕа, Уус Маайаҕа, Алдаҥҥа, Нерюнгригэ, Уус Алдаҥҥа, Чурапчыга, Тааттаҕа, Томпоҕо, Өймөкөөҥҥө, Кэбээйигэ, Намҥа, Хаҥаласка, Горнайга, Бүлүүгэ, Үөһээ Бүлүүгэ, Ньурбаҕа, Сунтаарга, Мииринэйгэ, Ленскэйгэ, Муомаҕа, Абыйга, Дьааҥыга, Эбээн Бытантайга тэрээһиннэр ыытыллыбыттара.
Эстэпиэтэ Үөһээ Халымаҕа салҕанар. Кыайыы күнүгэр Дьокуускайга кэлэн түмүктэниэхтээх.
СӨ Ил Дарханын уонна Бырабыыталыстыбатын пресс-сулууспата
Хаартыскалар: «Өлүөхүмэ» улуус хаһыатыттан уонна Дьааҥы улууһун дьаһалтатыттан
Кэс тыл, кэриэс тыл, андаҕар, кырыыс ханнык түгэҥҥэ туттуллалларын билэҕин дуо? Бэрт судургу быһаарыыны манна…
Бүгүн, ыам ыйын 15 күнүгэр, социальнай ситимнэргэ Жатайга суудуналар тимирэн эрэллэрин, биир суудуна бүтүннүү уу…
«Иккис килиэп» дэммит хортуоппуйу хайдах олордору уонна көрөрү-харайары бары бэркэ билэр курдукпут эрээри, анаан идэтийэн…
Кэлиҥҥи кэмҥэ айылҕаттан айдарыылаах сатабыллаах саха дьоно мастан, муустан, тимиртэн араас оҥоһуктары оҥорон соһутар буоллулар.…
Саха сирин 43 саастаах олохтооҕо дьахтар алименын төлөөбөккө, холуобунай эппиэтинэскэ тардыллыбытын туһунан СӨ Суут бириистэптэрин…
Бу күннэргэ Улуу Кыайыы 80 сылынан сибээстээн, улуустарга уонна нэһилиэктэргэ араас кэрэхсэбиллээх тэрээһиннэр ыытылла тураллар.…