«Кыайыы Знамята» эстэпиэтэ Хаҥалас оройуонугар тиийдэ

Нам оройуонуттан Хаҥалас оройуонугар «Кыайыы Знамята» эстэпиэтэни туттарыы үөрүүлээх тэрээһинэ олунньу 7 күнүгэр Дьокуускай куорат кыраныыссатыгар буолан ааста.

«Кыайыы Знамята» олунньу 11 күнүгэр диэри Хаҥалас оройуонун бары нэһилиэктэринэн тиийиэҕэ. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Нам улууһуттан Кыайыы бэлиэтин баһылыгы бастакы солбуйааччы Анатолий Павлов туттарда. Юрий Никифоров Хаҥалас улууһугар «Кыайыы Знамята» бэлиэни туттарыы үөрүүлээх күнүттэн улууска Кыайыы уонна Эйэ сыла биллэриллэрин бэлиэтээтэ.

Олунньу 11 күнүгэр «Кыайыы Знамята» Горнай улууһугар бэриллиэҕэ.

«Кыайыы Знамята» эстэпиэтэни Ил Дархан Айсен Николаев саҕалаабыта. Эстэпиэтэ номнуо 12 улууска сырытта — Мэҥэ Хаҥалас, Амма, Уус Маайа, Алдан, Уус Алдан, Чурапчы, Таатта, Томпо, Өймөкөөн, Кэбээйи уонна Нам оройуоннарынан. Тэрээһин Кыайыы 80 сылыгар, дойдуга Аҕа дойдуну көмүскээччи, Саха сиригэр Ийэ дойдуну көмүскээччи сылыгар ананар.