«Кыайыы Знамята» эстиэпиэтэ Ньурбаҕа тиийдэ

Улуу Кыайыы 80 сылыгар «Кыайыы Знамята» эстэпиэтэ бүгүн, олунньу 19 күнүгэр, Ньурба улууһугар тиийдэ. Бу туһунан Ыччат министиэристибэтигэр иһитиннэрдилэр.

Ньурба улууһа патриотическай эстэпиэтэни көрсүбүт 17-с оройуонунан буолла. Кыайыы былааҕын туттарыы тэрээһинэ Үөһээ Бүлүү уонна Ньурба улуустарын кыраныыссаларыгар ыытылынна.

«Кыайыы Знамята» — норуоппут эр санааланыытын, күүһүн, сомоҕолоһуутун бэлиэтэ. Бу эйэ уонна көҥүл иһин хорсун быһыы өйдөбүнньүгэ», — диэн бэлиэтээтилэр.

Аныгыс эстэпиэтэни үс хонугунан Сунтаар улууһун тутуоҕа.