Хаартыска: "Халыма долгуннара" хаһыаттан
Аҕа дойду уоттаах сэриитигэр Улуу Кыайыы 80 сылынан, Арассыыйаҕа Аҕа дойдуну, Саха сиригэр Ийэ дойдуну көмүскээччи сылынан тэриллибит эстэпиэтэ Халымаҕа салҕанар.
Бүгүн, муус устар 5 күнүгэр, Кыайыы Знамятын Орто Халыматтан ыаллыы Аллараа Халымаҕа тиэрдиэхтэрэ.
Орто Халымаҕа Е.М.Слепцов аатынан «Родина» диэн элбэх хайысхалаах успуорт комплексыгар Кыайыы Знамятын күөрэччи көтөҕөр үрдүк чиэс байыаннай дьайыы кыттыылааҕар Ф.Жирковка тигистэ. РФ Судаарыстыбаннай былааҕын байыаннай дьайыы кыттыылааҕа А.Явловскай, Саха Өрөспүүбүлүкэтин былааҕын байыаннай дьайыы кыттыылааҕа Н.Михайлов күөрэччи көтөхтүлэр.
Улуус баһылыга Иван Лаптев уонна улууска бэтэрээннэр сэбиэттэрин бэрэссэдээтэлэ Анна Волкова «Кыайыы Знамята» үүнэр көлүөнэни патриотическай иитиигэ суолтатын кэпсээтилэр. Орто Халыма бэтэрээннэрэ бочуоттаах ыалдьыттарынан буоллулар. Тэрээһин иитинэн бэтэрээннэр түмсүүлэрин сэлэлээн хаамыылара буолла, кинилэри кытары ырыа уонна кэккэлээн хаамыы оскуолатааҕы күрэһин кыайыылаахтара хаамтылар.
Аахсыйа 27 улууска ыытылынна: Мэҥэ Хаҥаласка, Аммаҕа, Уус Маайаҕа, Алдаҥҥа, Нерюнгригэ, Уус Алдаҥҥа, Чурапчыга, Тааттаҕа, Томпоҕо, Өймөкөөҥҥө, Кэбээйигэ, Намҥа, Хаҥаласка, Горнайга, Бүлүүгэ, Үөһээ Бүлүүгэ, Ньурбаҕа, Сунтаарга, Мииринэйгэ, Ленскэйгэ, Муомаҕа, Абыйга, Дьааҥыга, Эбээн Бытантайга, Өлүөхүмэҕэ, Үөһээ Халымаҕа, Орто Халымаҕа.
Эстэпиэтэ салгыы Аллараа Халыма улууһугар айанныыр.
Бу курдук улуустарынан айаннаан баран Кыайыы күнүгэр, ыам ыйын 9 күнүгэр, Дьокуускайга түмүктэниэҕэ.
СӨ Ил Дарханын уонна Бырабыыталысмтыбатын пресс-сулууспата
Хаартыскалар: «Халыма долгуннара» хаһыаттан
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…