Хаартыска: sakha.gov.ru ылылынна
Кыайыы Знамятын бүгүн, олунньу 7 күнүгэр, Нам улууһа Хаҥалас улууһугар туттарда. Аны, олунньу 11 күнүгэр диэри знамя Хаҥалас улууһун нэһилиэктэринэн айанныа.
«Бүгүн биһиэхэ барыбытыгар ураты күн, Улуу Кыайыы бэлиэтин туттубут. Аҕа дойду уоттаах сэриитигэр Хаҥалас улууһуттан 2194 киһи ыҥырыллан барбытыттан, 1134 киһи уоттаах сэрии хонуутугар дьоруойдуу охтубут. Нэһилиэктэр элбэх сүтүктэммиттэр. Ытык дьоммут хорсун быһыыларын өйдүү-саныы сылдьарга Покровскай куоракка мемориальнай комплекс тутуллубута. Бүгүн биһиги улаханнык долгуйан тураммыт, бу эстэпиэтэ Улуу Кыайыы 80 сылын көрсө ыытылларынан киэн туттабыт. Биһиги өссө күүскэ түмүстүбүт, сомоҕолостубут«, — диэн улуус баһылыгын социальнай боппуруостарга солбуйааччы Юрий Никифоров эттэ.
Нам улууһуттан Кыайыы Знамятын Нам улууһун баһылыгын бастакы солбуйааччы Анатолий Павлов туттарда.
Юрий Никифоров бу Кыайыы Знамятын туттарсыы уратылаах бэлиэ күнүнэн, Хаҥалас улууһун сиригэр-уотугар Кыайыы уонна Эйэ сыла саҕаланарын бэлиэтээтэ.
Олунньу 11 күнүгэр Кыайыы Знамята Горнай улууһугар бэриллэр.
СӨ Ил Дарханын уонна Бырабыыталыстыбатын пресс-сулууспата
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…