«Кыайыы Знамята» Ленскэйгэ тиийдэ

Олунньу 28 күнүгэр «Кыайыы Знамятын»  эстэпиэтэтин көрсүү үөрүүлээх тэрээһинэ буолан ааста.

Мииринэй оройуонун баһылыгын эбээһинэһин толорооччу Дмитрий Ширинскай Кыайыы былааҕын үлэ бэтэрээнэ, Ленскэй оройуонун бочуоттаах олохтооҕо Валериан Рыбкиҥҥа туттарда.

«Кыайыы Знамята  аан дойдуга эйэлээх олох сыанатын уонна Аҕа дойду Улуу сэриитин туһунан историческай кырдьыгы харыстыыр, — диэн тэрээһин кыттыылаахтара эттилэр. Кинилэр бэлиэ тэрээһин көлүөнэлэр биир сомоҕо, ону тэҥэ ааспыт сылларга дойду дьоруой буолууларын өйдөбүнньүгэ умнуллубатын бэлиэтээтилэр.

«Кыайыы Знамята» үс хонук устата оройуон бары муниципальнай тэриллиилэригэр тиийиэҕэ. Салгыы Кыайыы былааҕа Муома оройуонугар туттарыллыаҕа. Ил Дархан Айсен Николаев көҕүлээбит аахсыйата 19 оройуоҥҥа тэриллэн ыытылынна: Мэҥэ Хаҥалас, Амма, Уус Маайа, Нерюнгри, Уус Алдан, Чурапчы, Таатта, Томпо, Өймөкөөн, Кэбээйи, Нам, Хаҥалас, Горнай, Бүлүү, Үөһээ Бүлүү, Ньурба, Сунтаар уонна Мииринэй. Эстэпиэтэ Дьокуускайга Улуу Кыайыы күнүгэр, ыам ыйын 9 күнүгэр, түмүктэниэ.

«Кыайыы Знамята» эстэпиэтэ Аҕа дойду Улуу сэриитигэр Улуу Кыайыы 80 сылыгар уонна Саха сиригэр Ийэ дойдуну көмүскээччи сылыгар ананар.