Хаартыска: "Эҥсиэли" хаһыаттан
«Кыайыы Знамятын» эстэпиэтэтэ олунньу 5-7 күннэригэр Нам улууһугар өрө көтөҕүллүүлээхтик, үрдүк таһымнаахтык ыытылынна.
Кыайыы Знамятын бастакынан Түбэ нэһилиэгин олохтоохторо көрүстүлэр. Улуус баһылыга Юрий Слепцов ахсынньы бүтэһигэр саҕаламмыт бырайыак историческай өйдөбүлү кэнчээри ыччакка иҥэрэргэ, дойдуга бэриниилээх дьону иитэн-такайан таһаарарга улахан суолталааҕын бэлиэтээтэ.
Түбэ нэһилиэгин кэнниттэн Маймаҕа дьоно-сэргэтэ «Кыайыы Знамятын» үөрэ-көтө көрүстүлэр. Аҕа дойду уоттаах сэриитигэр Улуу Кыайыыны уһансыбыт хорсун-хоодуот ытык дьоннорун-сэргэлэрин, норуот хорсун быһыытын туһунан кыраайы үөрэтээччи, ССРС кинематографиятын туйгуна, Саха сирин кинематографиятын бэтэрээнэ, Маймаҕа нэһилиэгин бочуоттаах гражданина, үлэ бэтэрээнэ Татьяна Павлова улаханнык долгуйан туран кэпсээтэ. Кэнчээри ыччат аатыттан оскуола үөрэнээччитэ Айсаана Новгородова санаатын үллэһиннэ.
Хатырыкка үөрүүлээх тэрээһин М.К.Аммосов аатынан түмэлгэ буолла. Оскуола үөрэнээччилэрэ «Катюшаны» ыллаан ньиргиттилэр.
«Кыайыы Знамятын» көрсүһүү тэрээһиннэрэ Арбыҥҥа, Таастаахха, Хатыҥ Арыыга, Хамаҕаттаҕа, Никольскайга, Модукка, 2 Хомустаахха, Үөдэйгэ, Партизаҥҥа уо.д.а. нэһилиэктэргэ өрө көтөҕүллүүлээхтик, үрдүк тэрээһиннээхтик ыытылынна.
Бүгүн Нам улууһа «Кыайыы Знамятын» Хаҥалас улууһугар туттарар.
СӨ Ил Дарханын уонна Бырабыыталыстыбатын пресс-сулууспата
Хаартыска: «Энсиэли» хаһыаттан
Дойдубут аҕа баһылыга Владимир Путин олунньу 7 күнүгэр бырабыыталыстыба бэрэссэдээтэлэ Михаил Мишустины кытары көрсөн, экэниэмикэ…
Кыайыы Знамятын бүгүн, олунньу 7 күнүгэр, Нам улууһа Хаҥалас улууһугар туттарда. Аны, олунньу 11 күнүгэр…
Бүгүн өрөспүүбүлүкэтээҕи Оһуокай уопсастыбатын этээччилэрэ "Күн Оһуокайа" телевизионнай бырайыак төрдүс күнүгэр баран кытыннылар. Оҕолорго сыһыарыллыбыт…
Эти-хааны эрчийиэххэ. Дьиэ хомуйа, ас астыы сылдьан, дьыбааҥҥа сынньана сытан, кинигэ ааҕа олорон хаан эргииригэр,…
Бырабыыталыстыба отчуотугар томтордор авиабылаһааккаларын сөргүтүү боппуруоһа туруорулунна. СӨ тырааныспарга уонна суол хаһаайыстыбатыгар миниистир Владимир Сивцев…
Үөһээ Дьааҥы улууһун Боруулаах нэһилиэгэ өндөйөн көстөр Өндөгөччү, мэҥэ халлааҥҥа харбаспыт Ыыннаах хайаларынан, үрдүк чыпчаалларынан,…