Кыайыы Знамята — Нам улууһугар

Бүгүн, олунньу 5 күнүгэр, «Кыайыы Знамята» өрөспүүбүлүкэтээҕи  эстафета  Кэбээйиттэн  Нам улууһугар кэллэ.

«Нам улууһуттан Аҕа дойдуну фашистартан көмүскүү  1 651 киһи баран,   1 100  буойун сэрии толоонугар охтубута.  Биһиги ийэлэрбит, эбээлэрбит бэйэлэрин харыстаммакка тыылга үлэлээбиттэрэ», – диэн «Кыайыы Знамятын» эстафетатын көрсөрүгэр улуус баһылыга Юрий Слепцов бэлиэтээн эттэ.

Эстафета номнуо 11 улууска, ол иһигэр  Мэҥэ Хаҥаласка, Аммаҕа, Уус Маайаҕа, Алдаҥҥа, Нерюнгригэ, Уус Алдаҥҥа,  Чурапчыга, Тааттаҕа, Томпоҕо, Өймөкөөҥҥө, Кэбээйигэ ыытылынна.