Хаартыска: улуус хаһыата
Аҕа дойду Улуу сэриитигэр Кыайыы 80 сылыгар, Арассыыйаҕа Дойдуну көмүскээччи уонна Саха сиригэр Ийэ дойдуну көмүскээччи сылларыгар аналлаах “Кыайыы Знамята” өрөспүүбүлүкэтээҕи эстэпиэтэ 30 улууска ыытылынна.
Ил Дархан Айсен Николаев сорудаҕынан ааспыт сыл ахсынньытыгар саҕаламмыт эстэпиэтэ Мэҥэ Хаҥалас, Амма, Уус Маайа, Алдан, Нерюнгри, Уус Алдан, Чурапчы, Таатта, Томпо, Өймөкөөн, Кэбээйи, Нам, Хаҥалас, Горнай, Бүлүү, Үөһээ Бүлүү, Ньурба, Сунтаар, Мииринэй, Ленскэй, Муома, Абый, Дьааҥы, Эбээн Бытантай, Өлүөхүмэ, Үөһээ, Орто, Аллараа халымалар, Аллайыаха уонна Усуйаана улуустарыгар ыытылынна.
Аахсыйа билигин Эдьигээн национальнай эбэҥки улууһун нэһилиэктэригэр ыытылла турар. Кыайыы Знамятын улуус Бэстээх уонна Баахынай сэлиэнньэлэрин олохтоохторо көрүстүлэр.
Кыайыы Знамятын Бэстээх орто оскуолатын үөрэнээччилэрин арыаллааһынынан байыаннай дьайыы бэтэрээнэ, “Хорсунун иһин” мэтээлинэн уонна “Донбасс доброволеһа” түөскэ анньыллар бэлиэнэн наҕараадаламмыт Захар Анисимов киллэрбитин Бэстээх нэһилиэгин баһылыга Петр Афанасьев тутта.
Саха сиригэр ыытыллар бу аахсыйа суолтатын туһунан уонна эҕэрдэ тылы Петр Афанасьевич, педагогическай үлэ бэтэрээнэ Зинаида Николаева уонна “Дюмия” этно-култуурунай сайдыы уонна норуот айар талаанын улуустааҕы киинин салайааччы Аполлон Степанов тириэртилэр.
Сэлиэнньэ олохтоохторо Бэстээх сэлиэнньэтигэр олорбут уонна үлэлээбит Аҕа дойду Улуу сэриитин кыттылаахтарын Дмитрий Григорьевич Слепцову, Леонид Васильевич Гермогеновы, Михаил Семенович Андросовы уонна Иван Дмитриевич Корякины ахтан-санаан аастылар. Тэрээһин кыттыылаахтара билиҥҥи көлүөнэ сэрии кыттыылаахтарын дьыалаларын чиэстээхтик салгыырыгар эрэнэллэрин эттилэр.
Баахынай сэлиэнньэтигэр “Сайдам” Култуура дьиэтигэр үөрүүлээх тэрээһиҥҥэ бочуоттаах ыалдьыттарынан тыыл бэтэрээнэ Евдокия Ильинова уонна сэрии сылын оҕолоро Иван Слепцов, Мария Васильева уонна Анна Варварикова кытыннылар.
Лииндэ оскуолатын үөрэнээччитэ Павел Николаев ыччат эһэлэрин уонна хос эһэлэрин Аҕа дойду Улуу сэриитигэр хорсун быһыыларын уонна тыыл үэһиттэрин умнубаттарын туһунан эттэ. Үөрэнээччилэр бэтэрээннэргэ патриотическай тыыннаах ырыалары толордулар.
“Кыайыы Знамята” эстэпиэтэни муус устар 24-25 күннэригэр Эдьигээн сэлиэнньэтин олохтоохторо, онтон ыам ыйын 9 күнүгэр Дьокуускай куорат олохтоохторо көрсүөхтэрэ.
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…