Хаартыска: sakhagov.ru
Бу күннэргэ Булуҥ улууһугар Ил Дархан Айсен Николаев саҕалаабыт “Кыайыы знамята” эстафета ыытылынна. Знамяны улуус киинигэр – Тиксиигэ сөмөлүөтүнэн аҕаллылар, бастаан байыаннай чаастар уонна «Юнармия» чилиэннэрин былаахтаах бөлөхтөрө көрүстүлэр.
Муус устар 29 күнүгэр, Улуу Кыайыы 80 сылыгар, Арассыыйаҕа Аҕа дойдуну көмүскээччи уонна Саха сиригэр Ийэ дойдуну көмүскээччи сылыгар аналлаах, Кыайыы Знамятын Тиксии култуурунай-спортивнай комплексыгар үөрүүлээх көрсүһүү буолла. Тэрээһиҥҥэ оскуола оҕолоро, 2 №-дээх оскуола кадетскай кылааһын эдэр армеецтара, Тиксиигэ баар байыаннай чаастартан байыаннайдар кыттыыны ыллылар.
Знамяны саалаҕа капитан Вадим Бондаренко уонна лейтенаннар Николай Дрожинов уонна Виктор Карпов киллэрдилэр.
Улуус баһылыга Афанасий Андросов Кыайыы Знамятын тутта. Кини үбүлүөйдээх сылга эстафета ураты суолталааҕын бэлиэтээтэ, патриотизмы уонна историческай кырдьыгы харыстааһын суолталааҕын санатта.
Булуҥ улууһун бэтэрээннэрин Сэбиэтин бэрэссэдээтэлэ Марфа Филиппова эмиэ тэрээһин үүнэр көлүөнэҕэ улахан суолталааҕын туһунан эттэ.
Тэрээһин кыттыылаахтара Аҕа дойду Улуу сэриитин хонуутугар охтубут уонна тыылга аччыктаан өлбүт дьону кэриэстээн, биир мүнүүтэ саҥата суох олордулар.
Аахсыйа номнуо 31 улууска ыытыллыбыта. Булуҥ кэнниттэн Өлөөн улууһа эстафетаны тутуоҕа. Ыам ыйын 9 күнүгэр Знамя Дьокуускайга төннүөҕэ.
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…