Хаартыскалар: Саха тыйаатырын архыыбыттан
Аҕа дойду Улуу сэриитигэр кыайыы 79 сылынан, Былатыан Ойуунускай аатынан Саха тыйаатыра ыам ыйын 8-9 күннэригэр 18:00 чаастан саха норуодунай суруйааччыта Миитэрэй Наумов пьесатынан “Сандаарар сарыал саллааттара” испэктээккэ ыҥырар.
Аҕа дойду Улуу сэриитин бэтэрээнэ, Үөһээ Бүлүү улууһун Харбалаах нэһилиэгиттэн төрүттээх Николай Алексеевич Ноттосов дьылҕатын туһунан испэктээккэ сүрүн оруоллары эдэр кэргэннии артыыстар Айталина уонна Владимир Винокуровтар толоруохтара. Арассыыйаҕа биллэриллибит Дьиэ кэргэн сылынан эдэр артыыстар испэктээккэ бииргэ оонньууллара туруорууну ордук киэргэтэр, ураты тыынныыр, көрөөччүнү сэҥээрдэр.
Режиссер Руслан Тараховскай испэктээккэ сүрүн дьоруой сирдээҕи таптала ыарахан кэмнэри туоруурга көмөлөспүтүн сатабыллаахтык көрдөрөр.
Эдэркээн сүрэхтэргэ кытыаста умайбыт күүстээх таптал Даайа уонна Ньукулай олохторугар маҥнайгы хаар кэриэтэ ыраас ыралары сахпыта. Былыта суох халлааҥҥа этиҥ эппитинии, аан дойдуну атыйахтыы аймаабыт Аҕа дойду сэриитэ кинилэр бииргэ буолар дьылҕаларын огдолуппута. Уот сэрии толоонугар Даайыс күүстээх тапталын харысхал оҥостубут Ньукулай өлөр өлүү илиититтэн мүччү түспүтэ. Ол эрээри, киһи аҥаара буолан дойдутугар эргиллибит саллаат таптыыр доҕорун кытары бииргэ буолуо дуо?
Дьэ, ону тыйаатырга кэлэн испэктээги көрдөххүтүнэ билиэххит.
Өлүөнэ мууһа Нам улууһун сиринэн-уотунан ааһар, ол да буоллар улууска өрөмүөн үлэлэрэ номнуо саҕаланнылар. Улууска…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…