Кыайыыга дьулуур бастыҥ холобура (ВИДЕО)

Бүгүн Аммаҕа успуорт адаптивнай көрүҥнэригэр ыытылла турар 14-с спартакиадаҕа доруобуйаларыгар хааччахтаах дьон тургутууну ааһаллар.

Ил Дархан Айсен Николаев «Дьулуур» спартакиада аһыллыытыгар: «Хорсун санаалаах, олоххо дьулуурдаах дьоммут биһиэхэ ыарахаттартан толлубакка инники күөҥҥэ сылдьыыга, сомоҕолоһуулаах буоларга холобур көрдөрөллөр«, — диэн бэлиэтээбитэ.

Кырдьык, бүгүн сүүрүүгэ куоталаһыыга кулгаахтарынан истибэт дьон, уҥуохтарынан, доруобуйаларынан хааччахтаахтар кыайыыга дьулуур бастыҥ холобурун көрдөрдүлэр.

Хаартыска түһэрдэ, видео уһулла Е.Потоцкая