Кыайыыга кынаттаабыт ырыалар доллоһуйа кутулуннулар (ВИДЕО)

Ыам ыйын 7 күнүгэр Пригороднай бөһүөлэгэр Улуу Кыайыы 80 сылынан бырааһынньыктааҕы тэрээһин буолла.  

Биһиги буойуттарбыт холобура суох хорсун быһыыларыгар сүгүрүйэ, махтана бөһүөлэк олохтоохторо Аҕа дойду Улуу сэриитин кыттыылаахтарыгар аналлаах мемориал таһыгар муһуннулар.

Кыайыы күнүгэр тиийбэтэх, сэрии хонуутугар охтубут саллааттары кэриэстээн саҥата суох сөҥөн турдубут, сибэкки уурдубут. Хас биирдии саллаат бойобуой суола араас этэ, ким эрэ Берлиҥҥэ тиийбитэ, ким эрэ сэрии бастакы күннэригэр охтубута.

Мустубут дьону Пригороднай бөһүөлэк дьаһалтатын баһылыга Владимир Жексенбаев уонна бөһүөлэк Бэтэрээннэрин сэбиэтин бэрэссэдээтэлэ Валерий Черемных эҕэрдэлээтилэр.

Бүгүн биһиги өбүгэлэрбит дьоруойдуу быһыыларын Аҕа дойду көмүскээччилэрэ байыаннай дьайыыга салгыыллар.

Улуу Кыайыы чиэһигэр байыаннай ырыалаах, хоһоонноох, хонуу куукуналаах тэрээһин буолла. “Жемчужинка” уһуйаан иитиллээччилэрин, 12 №-дээх орто оскуола үөрэнээччилэрин уонна дьахталлар сэбиэттэрин күүһүнэн бырааһынньыктааҕы кэнсиэр буолла (салайааччы “Надежда” КДЬ дириэктэрэ Валентин Лаптев). Дьахталлар сэбиэттэрин кэлэктиибэ “Журавли” ырыанан бэтэрээннэри эҕэрдэлээтибит. Сэрии кэмигэр саллааттары кыайыыга кынаттаабыт, эрэли сахпыт байыаннай кэм ырыалара бөһүөлэк үрдүнэн доллоһуйа кутулуннулар.

Чэмэлиинэ Скрябина.

Хаартыскалар, видео Чэмэлиинэ Скрябина тиксэриилэрэ.