Кыайыылааҕынан Узаир Абдураков буолла

ММА биллэр байыаһын Хабиб Нурмагомедов булкаас хапсыһыыларыгар турнира түмүктэннэ.

Томпо оройуонуттан Узаир Абдураков чөмпүйүөн курун лиигэтин кыайыылааҕынан буолла. Кини Доннааҕы Ростовтан Сергей Ясковцевы кытта киирсиигэ кыайда. Саха сирин Ил Дарханын аатыттан сүрүн бирииһи вице-премьер Дмитрий Садовников туттарда.
Күрэхтэһиигэ Таджикистан, Узбекистан, Кыргызстан, Бурятия, Алтай, Новосибирскай, Москва, Дагестан, Иран спортсменнара кытыннылар. Саха сирин чиэһин 26 киһи көмүскээтэ.
Ону тэҥэ октагоҥҥа Саха сириттэн 10 киһи кытынна. Чэпчэки ыйааһыҥҥа Гаврил Семенов, орто ыйааһыҥҥа Игнатий Андросов, Октябрин Яковлев кыайдылар. Чэпчэки аҥаардаах ыйааһыҥҥа Саха сириттэн Денис Андреев кыайыыны ситистэ.
Чэпчэки ыйааһыҥҥа Азамат Фархиевы Григорий Барашков тулуппата. Бу турнир саамай кылгас киирсиитэ этэ.
Турнир бочуоттаах ыалдьыттарынан Fagle FC бэрэсидьиэнэ, Абубакар Нурмагомедов уонна билиҥҥи чөмпүйүөн Магомедрасул Хасбулаев буоллулар.