Кыайыылаах 3 мөлүйүөн солкуобайы ылыаҕа

«Дальний Восток — Земля приключений» Бүтүн Арассыыйатааҕы куонкуруска сайаапкалары тутуу салҕанар. Кыайыылаах 3 мөлүйүөн солкуобайы ылар. Сайаапканы ахсынньы 30 күнүгэр диэри ылаллар.

Ону таһынан, сатыы/уунан/кыһыҥҥы айан номинацияларыгар кыайыылаахтарга 1-дии мөлүйүөн солкуобайы, 2-с миэстэлээхтэргэ — 300-түү тыһыынча солкуобайы, 3-с миэстэлээхтэргэ — 100-түү тыһыынча солкуобайы биэриэхтэрэ.

Ыам ыйын 1 күнүттэн ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений» куонкурус 2-с сезонугар сайаапкалары ылыы саҕаланна. Куонкурус Уһук Илин уокуругар бэрэсидьиэн бастайааннай бэрэстэбиитэлэ Юрий Трутнев, Уһук Илини сайыннарыы министиэристибэтин, Уһук Илини, Арктиканы сайыннарыы корпорациятын, «Фонд развития социальных инициатив» уопсастыбаннай түмсүү көҕүлээһиннэринэн ыытыллар.

Куонкуруска кыттарга Уһук Илин эрэгийиэннэригэр айан туһунан кылгас киинэ, ролик оҥорон, дьүүллүүр сүбэҕэ ыытыллыахтаах. Күрэс маннык түһүмэхтэрдээх:

гран-при (бастыҥ айан);

сатыы айан (сатыы уонна бэлисипиэтинэн);

уунан айан (өрүһүнэн устуу, уу анныгар умсуу, серфинг);

кыһыҥҥы айан (хайыһарынан, ат, ыт көлөнөн, бэлисипиэтинэн, сноубординг).

Аан бастаан Уһук Илини арыйааччылар суолларынан айаннаабыт дьоҥҥо ураты болҕомто ууруллар. Санатар буоллахха, Өймөкөөнтөн Магадан уобалаһын Сэйимчээн сэлиэнньэтигэр диэри атынан айаннаабыт Дугуйдан Винокуров бу куонкурус бириистээх миэстэтигэр тиксибитэ. Куонкуруска 10 саастаах оҕолортон саҕалаан, улахан дьон кытталлар.

Бырайыак саайта: https://путешественникдв.рф Ил Дархан, бырабыыталыстыба дьаһалтатын пресс-сулууспата.

Ил Дархан, бырабыыталыстыба дьаһалтатын пресс-сулууспата.