Хаартыска: Вера Прокопьева тиксэриитэ.
Муус устар 5 күнүгэр Кэбээйи улууһун Мукучу нэһилиэгин «Дайан» норуот айымньытын дьиэтигэр Аҕа күнүн көрсө тэрилтэлэринэн аҕаларга анаммыт тэттик күрэх буолан ааста.
Күрэххэ уопсайа 7 аҕа кыттыыны ылла.
Кыттааччылар биэс түһүмэхтэн турар сорудаҕы толордулар. Ол курдук Корнхол оонньоотулар, сыал ыттылар, ыйытыыларга хоруйдаатылар, сорудаҕы толордулар (куукула суулааһына) итиэннэ хомуур түһүмэхтэринэн илин-кэлин түһүстүлэр.
Тыҥааһыннаах киирсии түмүгэр муҥутуур кыайыылааҕынан Саха төрүт оонньууларыгар оҕо спортивнай оскуолатын тириэньэрэ Константин Левчиков буолла итиэннэ сааскы куска барарыгар ботуруон уонна балаакка бэлэх тутта. Онтон атын аҕалар эрбии тииһинии эрийсэн, бука бары ботуруон бэлэх ылан үөрдүлэр-көттүлэр. Бирииһи Каролина Борисовна Кудрина туруорда.
Хас биирдии тэрилтэ эр хоһууттара, аҕаларбыт күүтүүлээх сааскы бултара саҕаланара кыра кэм хаалан кынаттарын куурдан бэлэмнэнии, долгуйуу буолаллара саарбаҕа суох. Онон бука бары аҕаларбытыгар Байанайдаах сырыыны, чэгиэн туругу, мэлдьи дурда-хахха, көмүскэл буола сылдьалларыгар баҕарабыт.
Маннык тэрээһиннэргэ инникитин даҕаны дэгиттэр аҕалар буоларгытын көрдөрөн, ситиһиилээх кыттыыны ыларгытыгар баҕарабыт.
Вера Прокопьева, Мукучу
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…