Кыбартыыра атыылаһыыга нолуогу төнүннэрии хайдах үлэлиирий?

Саҥа тутуллубут дьиэҕэ кыбартыыра атыылаһыы биир барыстаах өрүтэ – ороскуоттаабыт үбүҥ сороҕун төнүннэриэххэ сөп. Ол эбэтэр  “налоговый вычет” диэни туһанан, сорох харчыгын төнүннэриэххин сөп.  

Нолуогу төнүннэрии бу өҥөлөргө туһаныллыан сөп:

Бырайыактыыр, симиэтэ таҥар үлэлэргэ;

Тас киэргэтии (отделка) матырыйаалларын атыылаһыыга;

Өрөмүөннүүр биригээдэ үлэтин төлүүргэ;

Бараммыт үп чегынан, дуогабарынан, симиэтэнэн бигэргэниэхтээх.

Төһө харчыны төнүннэриэххэ сөбүй?

Өрөмүөн үлэлэрин уйунарга нолуогу төнүннэрии атыылаһыллыбыт дьиэҥ сыанатын уонна өрөмүөнүн сыанатын 13% тэҥнэһэр. Ол эрэн, муҥутаан 260 тыһ. солк. төннүөн сөп. Ол эрэн, кыбартыыраны дьиэ кэргэн атыылаһар буоллаҕына, бу суума икки төгүл үрдүөн сөп. Холобур, дьиэ сыаната 3,7 мөл. буоллун, оттон өрөмүөнүгэр 300 тыһ. бараммыт буоллун. Оччоҕуна дьиэ кэргэн биир чилиэнэ кыбартыыра сыанатыттан 2 мөл. солкуобайтан 13% бырыһыан иһинэн 260 тыһ. солк. ол эбэтэр толору сууманы ылар. Оттон кэргэнигэр төнүннэрии суумата кыбартыыра сыаната хаалбыт аҥаарыттан уонна өрөмүөн сыанатыттан ааҕыллар — 221 тыһ. уонна 39 тыһ. солкуобай. Уопсайа бу дьон 520 тыһыынча солкуобайы төттөрү ылаллар.

Туох ханнык докумуоннар ирдэнэллэрин сиһилии «ДОМ.РФ» порталга киирэн билсиэххитин сөп.