Кыбартыыра былаанын уларытарга уларыйыылар киирдилэр
20.07.2024, 17:00
Хаартыска: куйаар аһаҕас ситимиттэн
Бөлөххө киир:
Кыбартыыра былаанын уларытарга уларыйыылар киирдилэр. Бэс ыйыттан туох уларыйыылар киирбиттэриттэн сүрүннэрин билиһиннэрэбит.
Ол курдук Юстиция министиэристибэтин Саха сиринээҕи управлениетын иһитиннэриитинэн, 2024 с. бэс ыйыттан РФ Тутуу министиэристибэтин бирикээһигэр киирбит уларыйыыларынан, элбэх кыбартыыралаах дьиэҕэ кыбартыыра иһин уонна (эбэтэр) былаанын уларытыыга сөбүлэһии докумуон саҥа формата бигэргэннэ. Урут маннык докумуон форматын Российскай Федерация Бырабыыталыстыбата бигэргэппитэ.
Билигин сайабылыанньа форматыгар сайаапканы суруйбут киһи дааннайдарын кэнниттэн тута дьиэ- уот бас билиитин туоһулуур сибидиэнньэлэр ыйыллыбаттар, сиһилии өрөмүөн үлэтин, бас билээччи ылынар эбэһээтэлистибэлэрин испииһэгин суруйар ирдэммэт буолла.
РФ Олох-дьаһах Кодексын ирдэбилинэн кыбартыыра бас билээччитэ олохтоох салайыныы уорганнарыгар эбэтэр Элбэх өҥөнү оҥорор киин нөҥүө маннык докумуоннары туттарар:
- — кыбартыыра бас билиитин туоһулуур докумуоннар;
- — кыбартыыраҕа уларытыы киллэрэр тутуу бырайыага;
- — кыбартыыра тиэхиниичэскэй пааспара;
- — кыбартыыраҕа регистрацияламмыт уонна олорор чилиэттэриттэн сөбүлэһии суруктар.
Холобур, туһааннах сайабылыанньа Дьокуускайга «Дьокуускай куорат» куораттааҕы уокурук Дьиэ-уот сыһыаннаһыыларыгар департаменыгар бэриллэр.
—
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: