Кыбартыыраны, гарааһы быыһаатылар

Муус устар 4 күнүгэр сарсыарда 07.44  ч. баһаарынай-быыһыыр сулууспаҕа Дьокуускай куоракка Севастопольскай уулуссаҕа баар элбэх кыбартыыралаах дьиэҕэ баһаар тахсыбытын  туһунан суһал иһитиннэрии киирбит.

Баһаарынайдар алта мүнүүтэнэн ыйыллыбыт аадырыска тиийбиттэр. Тута уоту бохсубуттар. Онон, уот атын кыбартыыраларга барбатах. Дьолго, ким даҕаны эмсэҕэлээбэтэх. Уопсайа баһаары утары үлэҕэ 29 исписэлиис, 8 тиэхиньикэ үлэлээбит диэн ЫБММ Саха сиринээҕи управлениетын пресс-сулууспата суруйар.

Муус устар 3 күнүгэр киин куоракка  Автодорожнай уулуссаҕа баар чааһынай дьиэ умайан эрэрин туһунан суһал иһитиннэрии киирбит. Баһаарынайдар ыйыллыбыт аадырыһынан түөрт мүнүүтэнэн тиийбиттэр. Суһаллык хоруобуйаны уонна иккис этээскэ турбут уоту бохсубуттар.  Онон уот аттынааҕы  гарааска ыстамматах.