Күөх хонууттан 200 куул бөх хомулунна

Уу ресурсаларын федеральнай ааҕыныстыбатын Өлүөнэ тардыытынааҕы ууга салалтата уонна «Ленарегионводхоз» филиала Росприроднадзор Саха сиринээҕи салалтатын кытары бииргэ Дьокуускай куорат 203 микрооройуонун аннынан Күөх хонууга уонна өрүс кытылыгар субуотунньук оҥордулар.

Үс тэрилтэ үлэһиттэрэ Күөх хонуу бөҕүн-сыыһын, отун-маһын ыраастаатылар. Барыта 200 куул бөх хомулунна. Хомуллан куулламмыт бөх «Якутскэкосети» тэрилтэ анал тиэхиньикэтинэн бөх тоҕор полигоҥҥа тута таһылынна.

Субуотунньугу тэрийээччилэр этэллэринэн, бу сири хомуйууну мээнэҕэ талбатахтар, муус кэлиитэ, бөх хомуллубатаҕына, Жатай, Нам улууһун диэки устуо диэн уу кэлиэр диэри хомуйарга санаммыттар.