«Күөх рейс» Муомаҕа тиийдэ

Хотугу улуустарга анаан «Күөх рейс» диэн ааттанар сибиэһэй оҕуруот аһын тиэйии бырагыраамата баар. Бу бырагыраама чэрчитинэн Муомаҕа «Якутоптторг» тэрилтэ ааспыт өрөбүллэргэ фрукта уонна оҕуруот аһын тиксэрдэ.

Олохтоох маҕаһыыннарга чэпчэки сыаналаах ас атыыланна. Сыаналар манныктар: дьаабылыка 1 киилэтэ — 220 солк., биэрэс — 437 солк., хаппыыста — 51 солк., сүбүөкүлэ — 88 солк., луук -105 солк.

Маны кытта олохтоох нэһилиэнньэ куурусса сымыыта кэлбитин үөрэ көрүстэ. Өскөтүн сымыыт бу диэки ортотунан 25 солкуобайга атыыланар эбит буоллаҕына, “күөх рейсинэн” тиксэриллибит сымыыт 14 солк. 50 харчыга атыыланна.