Хаартыска: А.Тарасов.
Бүгүн, от ыйын 4 күнүгэр, Дьокуускайга ураты көстүү — күөл үрдүнэн тардыллыбыт канаатынан цииркэ артыыһа хаамыахтаах этэ. Социальнай ситимнэргэ «күүстээх тыал түспүтүнэн, шоуну көһөрбүттэр үһү» диэн суруйуу тарҕанна. Бу чахчы дуо?
— «МАМОНТенок» норуоттар икки ардыларынааҕы цииркэ бэстибээлин чэрчитинэн ыытыллар, бүгүҥҥү «На грани реальности и фантастики» перфоманс көһөрүллүбэт. Болдьоммут кэмигэр буолуоҕа, — диэн Марфа, Сергей Расторгуевтар ааттарынан Судаарыстыбаннай цииркэ рекламаҕа отделын салайааччы Людмила Заболоцкая иһитиннэрдэ.
Ыксаллаах быһыы-майгы министиэристибэтэ биллэрбитинэн, Дьокуускайга от ыйын 4 күнүгэр 15-20 м/с түргэннээх тыаллаах, 19-20 кыраадыс сылаас.
Бүгүн тоҕо эрэ сарсыардаттан күүстээх тыал түстэ. Киэһэлик тыала намырыа диэн күүтэллэр эрээри, билиҥҥитэ тохтуох быһыыта суох.
Санатар буоллахха, эквилибрист уу үрдүнэн уонча миэтэрэ үрдүгүнэн тардыллыбыт канаатынан туох да страховката суох, уһун ураҕаһы туппутунан, хаамыахтаах. Аһаҕас халлаан анныгар буолан, бу кутталлаах «трюк» туолара тыалтан, ардахтан улахан тутулуктаах.
Дьэ, айылҕа анаабытын курдук, улахан тургутуу буолсу. Цииркэ артыыһа бу тургутууну ааһыа дуу, суох дуу? Киэһэ 8 чааска Таалай күөлгэ кэлэн көрөөрүҥ!
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…